കൊച്ചി: വല്ലാര്പാടം രണ്ടാം ഗോശ്രീ പാലത്തിൽ വിള്ളൽ. പാലത്തെ റോഡുമായി ബന്ധിപ്പിക്കുന്ന സ്ലാബിൽ വിള്ളലും ഇളക്കവുമുണ്ടെന്ന് നാട്ടുകാര് ശ്രദ്ധയിൽപ്പെടുത്തിയതിനെ തുടര്ന്ന് പോലീസ് പാലത്തിലെ ഗതാഗതം നിയന്ത്രിച്ചു. നിലവിൽ ഭാരവാഹനങ്ങള് വിള്ളൽ കണ്ടെത്തിയ പാലത്തിലൂടെ കടത്തി വിടുന്നില്ല.
വല്ലാര്പാടത്തിനും ബോള്ഗാട്ടിയ്ക്കും ഇടയിലുള്ള പാലത്തിനാണ് വിളളൽ കണ്ടെത്തിയത്. പാലത്തിന്റെ വല്ലാര്പാടം ഭാഗത്തെ അപ്രോച്ച് റോഡുമായി ബന്ധിപ്പിക്കുന്ന ഭാഗത്തെ സ്ലാബിനാണ് തകരാര്. പാലത്തിൽ ഈ ഭാഗത്ത് വാഹനങ്ങള് കയറുമ്പോള് ദിവസങ്ങളായി ഇളക്കമുണ്ടാകുന്നുണ്ടെന്നാണ് പ്രദേശ വാസികള് പറയുന്നത്. ഈ സ്ലാബിൽ വിള്ളലും രൂപപ്പെട്ടിട്ടുണ്ട്. റെസിഡന്റ്സ് അസോസിയേഷൻ ഭാരവാഹികള് വിവരമറിയിച്ചതിനെ തുടര്ന്ന് സ്ഥലത്ത് പോലീസ് എത്തുകയും ഗതാഗതം വഴി തിരിച്ചു വിടുകയുമായിരുന്നു. പാലത്തിന്റെ സമാന്തര പാലത്തിലൂടെയാണ് ഇരുഭാഗത്തേയ്ക്കുമുള്ള വാഹനങ്ങള് കടത്തി വിടുന്നത്. തകരാറുള്ള പാലത്തിലൂടെ ചെറുവാഹനങ്ങള് കടത്തി വിടുന്നുണ്ട്. സ്ഥലത്ത് ദേശീയപാതാ അതോരിറ്റിയുടെയും ജിഡയുടെയും പോര്ട്ട് ട്രസ്റ്റിന്റെയും ഉദ്യോഗസ്ഥര് എത്തിയിട്ടുണ്ട്. എന്നാൽ പാലത്തിന്റെ തകരാര് സംബന്ധിച്ച് ദേശീയ പാതാ അതോരിറ്റി എൻജിനീയര് നിലപാട് വ്യക്തമാക്കിയില്ല. നാളെ ചര്ച്ച ചെയ്ത ശേഷം വിഷയത്തിൽ തീരുമാനമെടുക്കുമെന്ന് അദ്ദേഹം അറിയിച്ചു.
തകരാറുള്ള ഭാഗം വാഹനങ്ങള് കടന്നു പോകുമ്പോള് അനങ്ങുന്നുണ്ട്. പുറമെ ദൃശ്യമാകും വിധമുള്ള തകരാറാണ് പാലത്തിലുള്ളത്.
വല്ലാര്പാടത്തിനും ബോള്ഗാട്ടിയ്ക്കും ഇടയിലുള്ള പാലത്തിനാണ് വിളളൽ കണ്ടെത്തിയത്. പാലത്തിന്റെ വല്ലാര്പാടം ഭാഗത്തെ അപ്രോച്ച് റോഡുമായി ബന്ധിപ്പിക്കുന്ന ഭാഗത്തെ സ്ലാബിനാണ് തകരാര്. പാലത്തിൽ ഈ ഭാഗത്ത് വാഹനങ്ങള് കയറുമ്പോള് ദിവസങ്ങളായി ഇളക്കമുണ്ടാകുന്നുണ്ടെന്നാണ് പ്രദേശ വാസികള് പറയുന്നത്. ഈ സ്ലാബിൽ വിള്ളലും രൂപപ്പെട്ടിട്ടുണ്ട്. റെസിഡന്റ്സ് അസോസിയേഷൻ ഭാരവാഹികള് വിവരമറിയിച്ചതിനെ തുടര്ന്ന് സ്ഥലത്ത് പോലീസ് എത്തുകയും ഗതാഗതം വഴി തിരിച്ചു വിടുകയുമായിരുന്നു. പാലത്തിന്റെ സമാന്തര പാലത്തിലൂടെയാണ് ഇരുഭാഗത്തേയ്ക്കുമുള്ള വാഹനങ്ങള് കടത്തി വിടുന്നത്. തകരാറുള്ള പാലത്തിലൂടെ ചെറുവാഹനങ്ങള് കടത്തി വിടുന്നുണ്ട്. സ്ഥലത്ത് ദേശീയപാതാ അതോരിറ്റിയുടെയും ജിഡയുടെയും പോര്ട്ട് ട്രസ്റ്റിന്റെയും ഉദ്യോഗസ്ഥര് എത്തിയിട്ടുണ്ട്. എന്നാൽ പാലത്തിന്റെ തകരാര് സംബന്ധിച്ച് ദേശീയ പാതാ അതോരിറ്റി എൻജിനീയര് നിലപാട് വ്യക്തമാക്കിയില്ല. നാളെ ചര്ച്ച ചെയ്ത ശേഷം വിഷയത്തിൽ തീരുമാനമെടുക്കുമെന്ന് അദ്ദേഹം അറിയിച്ചു.
തകരാറുള്ള ഭാഗം വാഹനങ്ങള് കടന്നു പോകുമ്പോള് അനങ്ങുന്നുണ്ട്. പുറമെ ദൃശ്യമാകും വിധമുള്ള തകരാറാണ് പാലത്തിലുള്ളത്.