മാർ ജോർജ് ആലഞ്ചേരിക്കെതിരെ ക്രിമിനൽ കേസെടുക്കും

കൊച്ചി: വിവാദ ഭൂമി ഇടപാട് അഴിമതി കേസിൽ കർദിനാൾ മാർ ജോർജ് ആലഞ്ചേരിക്കെതിരെ കേസെടുക്കാൻ പൊലീസിന് നിർദേശം. ഇത് സംബന്ധിച്ച് ഉത്തരവ് ഡിജിപി പൊലീസിന് കൈമാറി. അഴിമതി കേസിൽ കർദിനാളിനെതിരെ ക്രിമിനൽ കേസെടുക്കാനാണ് പൊലീസിന് നിർദേശം നൽകിയിരിക്കുന്നത്.

ആലഞ്ചേരിയെ പിന്തുണക്കുന്ന സഭാവിശ്വാസികൾ നിയമനടപടിക്കെതിരെ ഇന്ന് ഹൈക്കോടതിയിൽ ഹർജി നൽകും. അതെ സമയം, ആലഞ്ചേരി മാറി നിൽക്കണമെന്നും രാജ്യത്തെ നിയമങ്ങൾക്ക് വിധേയനാണെന്നും വൈദിക സമിതി പറഞ്ഞിരുന്നു. എന്നാൽ ആലഞ്ചേരിയെ പിന്തുണക്കുന്ന നിലപാടാണ് കഴിഞ്ഞാഴ്ച്ച കൂടിയ സിനഡ് കൈക്കൊണ്ടത്. ആലഞ്ചേരി കർദിനാൾ ആണെങ്കിലും രാജ്യത്തെ നിയമങ്ങൾക്ക് വിധേയനാണെന്ന് കഴിഞ്ഞാഴ്ച്ച ഹൈക്കോടതി നിരീക്ഷിച്ചിരുന്നു.