സിആർപിഎഫ് ഉദ്യോഗസ്ഥന്റെ മൃതദേഹത്തോട് അനാദരവെന്ന് പരാതി

ഹരിപ്പാട്: ഛത്തീസ്ഗഢിൽ മുങ്ങി മരിച്ച മലയാളി സിആർപിഎഫ് ഉദ്യോഗസ്ഥന്റെ മൃതദേഹത്തോട് അനാദരവെന്ന് പരാതി‌. കാർത്തികപ്പള്ളി മാങ്കിതെക്കതിൽ അച്ചൻകുഞ്ഞിന്റെ മകൻ അനിലിന്റെ (33) മൃതദേഹത്തോട് അനാദരവ് കാണിച്ചെന്നാണ് ബന്ധുക്കളുടെ പരാതി. വ്യാഴാഴ്ചയാണ് അനിൽ മുങ്ങി മരിച്ചത്. മൃതദേഹം നാട്ടിലേക്കയച്ചത് എംബാം ചെയ്യാതെയാണെന്നാണ് പരാതി.

എംബാം ചെയതിലെല്ന്ന് മാത്രമല്ല, വസ്ത്രവും ധരിപ്പിച്ചിരുന്നില്ല. ഇതേ തുടർന്ന് ബന്ധുക്കൾ മൃതദേഹം ഏറ്റെടുത്തില്ല. പിന്നീട് കരിയിലക്കുളങ്ങര പൊലീസാണ് മൃതദേഹം ഏറ്റെടുത്തത്. ഞായറാഴ്ച കലക്ടറുടെ സാന്നിധ്യത്തിൽ പോസ്റ്റുമോർട്ടം നടത്തും.

സംഭവത്തെക്കുറിച്ച് അന്വേഷണം നടത്തുമെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. ഇതേക്കുറിച്ച് അന്വേഷിച്ച് കേന്ദ്ര ആഭ്യന്തര മന്ത്രിയ്ക്ക് ചെന്നിത്തല ഫാക്സ് അയച്ചു.