മകളോട് ചെയ്തതെല്ലാം കൊലയാളിയോടും ചെയ്യണം; ജിഷയുടെ അമ്മ

പെരുമ്പാവൂര്‍: മകളോട് ചെയ്ത ക്രൂരതകളെല്ലാം കൊലയാളിയോടും ചെയ്യണമെന്ന് ജിഷയുടെ അമ്മ രാജേശ്വരി. ഘാതകനെ പിടികൂടിയത വാര്‍ത്ത അറിഞ്ഞതിനു ശേഷം മാധ്യമങ്ങളോട് പ്രതികരിക്കുകയായിരുന്നു ജിഷയുടെ അമ്മ.

ജിഷയുടെ ഘാതകനെ തൂക്കികൊല്ലണം. പ്രതിക്ക് ജിഷയോട് മുന്‍വൈരാഗ്യമുണ്ടാകാനിടയില്ല. ഇനി ഒരമ്മയ്ക്കും സഹോദരങ്ങള്‍ക്കും ഈ അനുഭവം ഉണ്ടാകാന്‍ ഇടവരരതെന്നും ജിഷയുടെ അമ്മ പറഞ്ഞു. പ്രതിയെ പിടികൂടിയതില്‍ സന്തോഷമുണ്ട്, അയാള്‍ക്ക് വധശിക്ഷ തന്നെ നല്‍കണമെന്നും തന്റെ മകള്‍ അനുഭവിച്ച വേദനകളെല്ലാം കൊലയാളിയും അനുഭവിക്കണമെന്നും അവര്‍ മാധ്യമങ്ങളോട് പ്രതികരിച്ചു.