കേസ് മാഞ്ഞ് പോകാനനുവദിക്കരുത്; ആർ.എൽവി രാമകൃഷ്ണൻ

കലാഭവന്‍ മണിയുടെ മരണത്തെ കുറിച്ചുള്ള അന്വേഷണം തേഞ്ഞുമാഞ്ഞ് പോകരുതെന്ന് സഹോദരന്‍ ആര്‍എല്‍വി രാമകൃഷ്ണന്‍.

കേസ് അന്വേഷണം സിബിഐക്ക് വിടും എന്നു കണ്ടപ്പോള്‍ മുതല്‍ ചിലര്‍ക്ക് സംഭ്രമങ്ങള്‍ തുടങ്ങിയെന്നും തങ്ങളെ മാനസികമായി പീഡിപ്പിച്ച്‌ കേസില്‍ നിന്നും പിന്മാറ്റാനുള്ള ശ്രമത്തിന്റെ ഭാഗമായി ഇല്ലായ്മകള്‍ പറഞ്ഞ് കുടുംബാംഗങ്ങളെ ചവിട്ടിമെതിക്കുകയാണ് ഇക്കൂട്ടരെന്നും ഫേസ്ബുക്ക് പോസ്റ്റില്‍ രാമകൃഷ്ണന്‍ ആരോപിക്കുന്നു. ഒരു ചാനലില്‍ തന്നെയും കുടുംബത്തെയും കുറിച്ചു മോശമായ പരാമര്‍ശങ്ങള്‍ വന്നത് ചൂണ്ടിക്കാട്ടിയാണ് പോസ്റ് ആരംഭിക്കുന്നത്.

സ്വന്തം സഹോദരന്റെ മരണം അന്വേഷിച്ചിറങ്ങിയ അനിയനും കുടുംബത്തിനും അനുഭവിക്കേണ്ടി വരുന്നത് ദുരവസ്ഥയാണെന്നും അദ്ദേഹം പോസ്റ്റില്‍ പറയുന്നു. സത്യം കണ്ടെത്താനുള്ള യാത്രയില്‍ താന്‍ ഇല്ലാതായാലും കേസ് തേഞ്ഞുമാഞ്ഞു പോകാതെ നിങ്ങള്‍ നോക്കണമെന്നും സത്യം ജയിക്കണമെന്നും മണിയുടെ ആരാധകരോട് തന്റെ പോസ്റ്റില്‍ അഭ്യര്‍ത്ഥിക്കുന്നുമുണ്ട് രാമകൃഷ്ണന്‍.