കുസാറ്റ് അഖിലേന്ത്യ പ്രവേശന പരീക്ഷാഫലം പ്രസിദ്ധീകരിച്ചു

കൊച്ചി: അഖിലേന്ത്യാ തലത്തില്‍ ബി.ടെക് അടക്കമുള്ള വിവിധ കോഴ്‌സുകളിലേക്കുള്ള പ്രവേശനത്തിനായി കൊച്ചി ശാസ്ത്ര സാങ്കേതിക സര്‍വകലാശാല നടത്തിയ പൊതു പ്രവേശന പരീക്ഷയുടെ (ക്യാറ്റ്) ഫലം പ്രഖ്യാപിച്ചു. യോഗ്യത നേടിയ വിദ്യാർത്ഥികൾക്ക് മേയ് 18 മുതല്‍ തങ്ങളുടെ ഓപ്ഷനുകള്‍ രജിസ്റ്റര്‍ ചെയ്യാം.

ബി.ടെക്. പ്രവേശന പരീക്ഷയില്‍ മലപ്പുറം തിരൂര്‍ ബി പി അങ്ങാടി ഫിര്‍ദൗസില്‍ ഷാഫില്‍ മഹീന്‍ എന്‍ ഒന്നാം റാങ്ക് നേടി. രണ്ടാം റാങ്ക് പാലാ മുതുക്കാട്ടില്‍ വീട്ടില്‍ ആനന്ദ് ജോര്‍ജും മൂന്നാം റാങ്ക് കോട്ടയം പാക്കില്‍ പ്ലാംതോട്ടത്തില്‍ വീട്ടില്‍ ജെസ്വിന്‍ കോശി ചെറിയാനും നേടി.

കാസര്‍കോട് നുള്ളിപ്പാടിയില്‍ പുണര്‍തം വീട്ടില്‍ ജിഷിന്‍ ചന്ദ് കെ സി എസ് സി/എസ് ടി വിഭാഗത്തില്‍ ഒന്നാം റാങ്ക് കരസ്ഥമാക്കി. റാങ്ക് പട്ടിക ഉൾപ്പെടെയുള്ള വിശദാംശങ്ങൾ www.cusat.nic.in എന്ന വെബ് സൈറ്റില്‍ ലഭ്യമാണ്.

കൂടുതൽ വിവരങ്ങള്‍ക്ക് ഫോണ്‍ 04842577159/2862256 ഈ നമ്പറുകളിൽ ബന്ധപ്പെടാവുന്നതാണ്.

Cochin University Announces Result For B.Tech. Programs

CUSAT CAT Results 2017 for B.Tech. programs has been declared on the official website.