'വാനക്രൈ'ക്ക് ശേഷം സംസ്ഥാനത്ത് വീണ്ടും സൈബർ ആക്രമണം

തിരുവനന്തപുരം: വാനക്രൈ ആക്രമണത്തിന് ശേഷം സംസ്ഥാനത്ത് വീണ്ടും സൈബർ ആക്രമണം. തിരുവനന്തപുരം ജില്ലാ മെര്‍ക്കന്‍റയില്‍ സഹകരണ സംഘത്തിന്‍റെ കമ്പ്യൂട്ടറുകളാണ് ആക്രമണത്തിനിരയായത്. കമ്പ്യൂട്ടർ പ്രവർത്തനരഹിതമാക്കി മോചനദ്രവ്യം ആവശ്യപ്പെടുന്നതാണ് റാൻസംവെയർ ആക്രമണങ്ങളുടെ രീതി

സഹകരണ സംഘം ബാങ്കിലെ സെർവറുമായി ബന്ധിപ്പിച്ചിരിക്കുന്ന കമ്പ്യൂട്ടറാണ് ആക്രമിക്കപ്പെട്ടത്. കമ്പ്യൂട്ടർ റീസ്റ്റാർട്ട് ചെയ്‌തെങ്കിലും വനക്രൈ ആക്രമണ സമയത്ത് പ്രത്യക്ഷപ്പെട്ട സന്ദേശം മാത്രമാണ് കണ്ടത്. ഫയലുകൾ ‘എൻക്രിപ്റ്റ്’ ചെയ്തിരിക്കുകയാണെന്നും ‘ഡീക്രിപ്റ്റ്’ ചെയ്യണമെങ്കിൽ മോചനദ്രവ്യം നൽകണമെന്നുമായിരുന്നു സന്ദേശം. ലഭിച്ച വിവരങ്ങളുടെ അടിസ്ഥാനത്തിൽ സൈബർ സെൽ അന്വേഷണം ആരംഭിച്ചു.