ഷംസീറിന്‍റെ രക്തം കൊണ്ട് കാളിപൂജ നടത്തുമെന്ന് കൊലവിളി

കണ്ണൂര്‍: തലശ്ശേരിയുടെ എംഎല്‍എയും സിപിഐഎം കണ്ണൂര്‍ ജില്ലാ കമ്മിറ്റി അംഗവുമായ എ എന്‍ ഷംസീറിനെതിരെ ഒരു സംഘം ആളുകളുടെ കൊലവിളി. ഷംസീറിന്റെ രക്തം കൊണ്ട് കാളിപൂജ നടത്തുമെന്നും ഇത് ഷംസീറിനുള്ള അവസാന താക്കീതാണെന്നും മുന്നറിയിപ്പുണ്ട്. സിപിഐഎം നേതാക്കള്‍ക്കെതിരെ പ്രകോപനപരമായ മുദ്രാവാക്യങ്ങളുമായി പ്രകടനവും നടന്നു. സംഭവത്തിൽ സിപിഐഎം നേതാക്കൾ ന്യൂ മാഹി പോലീസ് സ്റ്റേഷനിൽ പരാതിയും നൽകിയിട്ടുണ്ട്. തലശ്ശേരി മാടപ്പീടികയിലാണ് ഞായറാഴ്ച രാത്രി സംഭവം നടന്നത്. ആ‍ർഎസ്എസ് ആണ് പിന്നിലെന്ന് സിപിഐഎം ആരോപിച്ചു.

death-threat against a n shamseer.