ബിജെപി അധ്യക്ഷൻ ശ്രീധരൻ പിള്ളയ്ക്ക് വധഭീഷണിക്കത്ത്

കണ്ണൂര്‍: ബിജെപി സംസ്ഥാന അധ്യക്ഷൻ പി എസ് ശ്രീധരൻ പിള്ളയുള്‍പ്പെടെയുള്ള നേതാക്കലെ വധിക്കുന്നറിയിച്ച് ഭീഷണിക്കത്ത്. ബിജെപി കണ്ണൂര്‍ ജില്ലാ കമ്മിറ്റി ഓപീസിലാണ് തപാൽ മുഖേന കത്ത് ലഭിച്ചത്.

ശ്രീധരൻ പിള്ളയ്ക്ക് പുറമെ ബിജെപി നേതാക്കളായ ശോഭാ സുരേന്ദ്രൻ, എ എൻ രാധാകൃഷ്ണൻ, ആര്‍എസ്എസ് നേതാവ് ഗോപാലൻകുട്ടി തുടങ്ങിയ നേതാക്കളെ വധിക്കുമെന്നും കത്തിൽ പറയുന്നു. ചൊവ്വാഴ്ച രാവിലെയാണ് ഓഫീസിൽ കത്ത് ലഭിച്ചത്.

ഭീഷണിക്കത്ത് ലഭിച്ചതുസംബന്ധിച്ച് ജില്ലാ പോലീസ് മേധാവിയ്ക്ക് കത്ത് നല്‍കിയതായി പാര്‍ട്ടി അറിയിച്ചു.

ശബരിമല യുവതീപ്രവേശനത്തിനെതിരെയുള്ള സമരം ബിജെപി തിരുവനന്തപുരം സെക്രട്ടറിയേറ്റ് നടയിലേയ്ക്ക് പറിച്ചു നടുകയും മുതിര്‍ന്ന നേതാവ് എ എൻ രാധാകൃഷ്ണന്‍ അനിശ്ചിതകാല സത്യഗ്രഹം ആരംഭിക്കുകയും ചെയ്തതിനു പിന്നാലെയാണ് ഭീഷണിക്കത്ത്.