അപവാദ പ്രചരണം: വാട്ട്സ് ആപ്പ് ഗ്രൂപ്പിനെതിരെ കേസ്

മാവേലിക്കര: വീട്ടമ്മയുടെ പരാതിയില്‍ വാട്ട്സ് ആപ്പ് ഗ്രൂപ്പിനെതിരെ കേസെടുത്തു. റെയ്ഡിനിടെ ലോഡ്ജില്‍നിന്ന് പിടികൂടിയതെന്ന പേരില്‍ ഭര്‍ത്താവിനൊപ്പം നില്‍ക്കുന്ന ഫോട്ടോകളാണ് പ്രചരിപ്പിക്കുന്നത്. പൊലീസ് അന്വേഷണം തുടങ്ങി.

പുണ്യാളന്‍ എന്ന വാട്ട്സ് ആപ്പ് ഗ്രൂപ്പിനെതിരെ തെക്കേകര ഉമ്പ‍ർനാട് സ്വദേശിനിയായ വീട്ടമ്മയാണ് പൊലീസില്‍ പരാതി നല്‍കിയത്. ഗ്രൂപ്പിലൂടെ വീട്ടമ്മയും ഭര്‍ത്താവും ഒരുമിച്ചുള്ള ചിത്രങ്ങളിട്ട ശേഷം വീട്ടമ്മയെ മോശമായി ചിത്രീകരിക്കുന്ന പരാമര്‍ശങ്ങള്‍ നടത്തിയതിനാണ് കേസ്. സൈബര്‍ സെല്ലിന്‍റെ സഹായത്തോടെ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.