ആറുമാസം കൊണ്ട് ഡങ്കിപ്പനി ബാധിച്ചത് 2428പേ‍ര്‍ക്ക്

ഡങ്കിപ്പനി ബാധിതരുടേയും അതിസാരം ബാധിക്കുന്നവരുടേയും എണ്ണം കഴിഞ്ഞവ‍ർഷങ്ങളെ അപേക്ഷിച്ച് കേരളത്തിൽ കൂടുന്നു. ജൂണിൽ മാത്രം 808 ഡങ്കിപനി കേസുകള്‍ കേരളത്തിൽ രജിസ്റ്റർ ചെയ്തതായി ആരോഗ്യ വകുപ്പ് വ്യക്തമാക്കി. ഈവര്‍ഷം മെയ് വരെ 1620 കേസുകളായിരുന്നു. ജൂണിൽ 808 പനിബാധിച്ചവരെ കൂടി സ്ഥിരീകരിച്ചതോടെ ഇപ്പോള്‍ ഇത് 2428 ആയി.

അതിസാരം ബാധിച്ചത് ജൂണിൽ 52066പേരെയാണ്. മെയ് വരെ ഈവര്‍ഷം അത് 158975പേ‍ർക്കാണ് സ്ഥിരീകരിച്ചിരിച്ചിരുന്നത്. ജൂണിലെ കേസുകള്‍ കൂടി നോക്കുന്നതോടെ ഇത് 211041 പേർക്കായിട്ടുണ്ട്. ആരോഗ്യവകുപ്പ് ഉദ്യോഗസ്ഥരുടെ വിദഗ്ധ സംഘം കൊല്ലം, പത്തനതിട്ട, പാലക്കാട്, കോഴിക്കോട്, കാസര്‍കോഡ് എന്നീ പനി ബാധിത പ്രദേശങ്ങളിൽ ഉടൻ സന്ദർശിച്ച് സ്ഥിതിഗതികള്‍ വിലയിരുത്തും.