ശബരിമല: നിര്‍മാണങ്ങള്‍ 14ന് പൂര്‍ത്തിയാക്കുമെന്ന് ദേവസ്വം ബോര്‍ഡ്

കൊച്ചി: ശബരിമലയിലെ നിര്‍മാണപ്രവര്‍ത്തനങ്ങള്‍ നവംബര്‍ 14നകം പൂര്‍ത്തിയാക്കുമെന്ന് ഹൈക്കോടതിയിൽ ദേവസ്വം ബോര്‍ഡ് അറിയിച്ചു. സന്നിധാനത്ത് 31 നിര്‍മാണപ്രവര്‍ത്തനങ്ങളാണ് പൂര്‍ത്തിയാകുന്നത്. നവംബര്‍ 15നകം മരക്കൂട്ടത്ത് താത്കാലിക പോലീസ് ഷെഡ് നിര്‍മിക്കുമെന്നും ദേവസ്വം ബോര്‍ഡ് അറിയിച്ചു.

ശബരിമല സംഘര്‍ഷവുമായി ബന്ധപ്പെട്ട് പതിനാല് പ്രതികള്‍ കൂടി ജാമ്യത്തിനായി ഇന്ന് ഹൈക്കോടതിയെ സമീപിച്ചു. തങ്ങള്‍ നാമജപഘോഷയാത്രയിൽ പങ്കെടുക്കുക മാത്രമാണ് ചെയ്തതെന്നും കള്ളക്കേസിൽ കുടുക്കിയതാണെന്നും ഇവര്‍ ഹൈക്കോടതിയിയിൽ വ്യക്തമാക്കി.