ഭാര്യയ്‍ക്ക് അയ്യപ്പനെ കാണണം; വീഡിയോ കോളുണ്ടല്ലോ!

സുപ്രീംകോടതി അനുകൂല വിധി പറഞ്ഞിട്ടും ഇതുവരെ പത്തിനും അമ്പതിനും ഇടയില്‍ പ്രായമുള്ള ഒരു വനിതയ്ക്കും ശബരിമല കയറാന്‍ കഴിഞ്ഞിട്ടില്ല. ആചാര സംരക്ഷണത്തിന്‍റെ പേരില്‍ ശബരിമലയില്‍ ഒരുകൂട്ടം ആളുകള്‍ സ്ത്രീകളെ തടയുന്നത് തുടരുകയാണ്. മല കയറാനില്ല എങ്കിലും അയ്യപ്പനെയും സന്നിധാനവും കണ്ടാല്‍ മതിയെന്ന് ആഗ്രഹിക്കുന്ന സ്ത്രീകള്‍ക്ക് അനുഗ്രഹമാകുന്നത് ടെക്നോളജിയാണ്.

അന്യസംസ്ഥാനങ്ങളില്‍ നിന്നുള്ള അയ്യപ്പന്മാര്‍ വീഡിയോ കോളിലൂടെ ഭാര്യമാര്‍ക്ക് അയ്യപ്പ ദര്‍ശനം സാധ്യമാക്കുകയാണ് ശബരിമലയില്‍. സന്നിധാനത്ത് നിന്ന് ടൈംസ് ഓഫ് ഇന്ത്യ ഫോട്ടോഗ്രഫര്‍ ഗോകുല്‍. ഇ പകര്‍ത്തിയ ഫോട്ടോകള്‍.