അഴിമതിക്കെതിരേ പുതിയ സംഘടനയുമായി ജേക്കബ് തോമസ്

അഴിമതിക്കെതിരേ പുതിയ സംഘടനയുമായി ഡിജിപി ജേക്കബ് തോമസ്. 'എക്സല്‍ കേരള' എന്നു പേരിട്ട സംഘടനയുടെ ആദ്യ യോഗം കൊച്ചിയില്‍ ചേര്‍ന്നു. വിവിധ മേഖലയില്‍ പ്രശസ്തരായ വ്യക്തികളുടെ പിന്തുണയും എക്സല്‍ കേരളയ്ക്കുണ്ട്. സംവിധായകരായ സത്യന്‍ അന്തിക്കാട്, ലാല്‍ ജോസ്, ശ്രീനിവാസന്‍, സാഹിത്യകാരന്‍ സക്കറിയ തുടങ്ങിയവര്‍ സംഘടനയില്‍ അംഗങ്ങളാണ്.

അഭിഭാഷകര്‍, സര്‍ക്കാര്‍ ജീവനക്കാര്‍, വിരമിച്ച ജീവനക്കാര്‍, വിദ്യാര്‍ത്ഥികള്‍ തുടങ്ങി സമൂഹത്തിലെ വിവിധ മേഖലകളില്‍ നിന്നുള്ളവര്‍ സംഘടനയില്‍ അംഗങ്ങളാണെന്നു ജേക്കബ് തോമസ് അറിയിച്ചു. സംഘടനയുടെ ലക്ഷ്യം അഴിമതിക്കെതിരേയുള്ള പോരാട്ടമാണെന്നും ജേക്കബ് തോമസ് പറഞ്ഞു. അഴിമതിരഹിതസംസ്കാരം വളര്‍ത്തിയെടുക്കാനുള്ള പ്രവര്‍ത്തനവുമായി മുന്നോട്ട് പോകുമെന്നും ഒരു പൗരന്‍ എന്ന നിലയില്‍ അതിനുള്ള അവകാശം തനിക്കുണ്ടെന്നും അദ്ദേഹം പറഞ്ഞു.