'മീന്‍ പിടിക്കാന്‍ പോലീസ് ഇറങ്ങേണ്ട'; നിര്‍ദേശവുമായി ഡിജിപി

തിരുവനന്തപുരം: ലോക്ക്ഡൗണില്‍ പഴകിയ മീനുമായി വരുന്ന വണ്ടികള്‍ പോലീസ് പിടിച്ചെടുക്കേണ്ടെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ. പോലീസ് ഭക്ഷ്യ സുരക്ഷാ വിഭാഗങ്ങള്‍ക്ക് സുരക്ഷ ഒരുക്കിയാല്‍ മതിയെന്നും ഡിജിപി നിര്‍ദേശം നല്‍കി.

Also Read: COVID-19 LIVE: ലോക്ക് ഡൗണില്‍ ഇളവ് നല്‍കുന്നതില്‍ കേരളം തീരുമാനമെടുത്തില്ല; മറ്റെന്നാള്‍ വീണ്ടും ക്യാബിനറ്റ് യോഗം

പഴകിയ മീന്‍ വില്‍പ്പനയെ കുറിച്ച് വിവരം ലഭിച്ചാല്‍ ബന്ധപ്പെട്ട ഏജന്‍സികള്‍ക്ക് കൈമാറണം. പരിശോധനാ റിപ്പോര്‍ട്ട് ലഭിച്ചാല്‍ മാത്രം കേസെടുത്താല്‍ മതിയെന്ന് ഡിജിപി പോലീസിനു നല്‍കിയ നിര്‍ദേശത്തില്‍ വ്യക്തമാക്കി. പോലീസ് മീന്‍ പിടിച്ച് നശിപ്പിച്ചതിനെതിരെ കുറിച്ച് മുഖ്യമന്ത്രിയ്ക്ക് നേരത്തെ പരാതി ലഭിച്ചിരുന്നു. ഇതിന്റെ പശ്ചാത്തലത്തിലാണ് ഡിജിപിയുടെ നിര്‍ദേശം.

Also Read: ഇന്ത്യയില്‍ കൊവിഡ് ബാധിതരുടെ എണ്ണം 9000 കടന്നു, മരണസംഖ്യ 308, 24 മണിക്കൂറിനിടെ 35 മരണങ്ങള്‍

ഓപ്പറേഷന്‍ സാഗര്‍റാണിയിലൂടെ എട്ടുദിവസത്തെ പരിശോധനകളില്‍ സംസ്ഥാനത്തിന്റെ വിവിധ ഭാഗങ്ങളില്‍ നടത്തിയ പരിശോധനയില്‍ 1,00,508 കിലോ ഉപയോഗശൂന്യമായ മത്സ്യമാണ് പിടികൂടിയത്. ഞായറാഴ്ച സംസ്ഥാനത്താകെ 117 കേന്ദ്രങ്ങളിലാണ് പരിശോധന നടത്തിയത്.