പ്ലസ്ടുവിന് ശേഷം ഡിഗ്രി ഇനി നാലുവർഷം; ഇക്കാര്യം വിദ്യാർഥികൾ അറിഞ്ഞിരിക്കണം

തിരുവനന്തപുരം: ഇത്തവണ പ്ലസ്ടു ഫലം പ്രഖ്യാപിക്കപ്പെടുമ്പോൾ നാലുവർഷ ഡിഗ്രിയുൾപ്പടെ എന്തൊക്ക മാറ്റങ്ങളാണ് ഉന്നത വിദ്യഭ്യാസ രംഗത്ത് വന്നിരിക്കുന്നതെന്ന ചോദ്യമാണ് വിദ്യാർത്ഥികളുടെ മനസ്സിൽ. ഇന്ന് (മെയ് 9) ഉച്ച കഴിഞ്ഞ് വിദ്യഭ്യാസ മന്ത്രി വി ശിവൻ കുട്ടി പ്ലസ്ടു റിസൾട്ട് പ്രഖ്യാപിക്കും. ഹയർ സെക്കണ്ടറി, വൊക്കേഷണൽ സെക്കണ്ടറി ഫലമാണ് ഇന്ന് വരുന്നത്. നിലവിലെ സാഹചര്യം പരിശോധിക്കുമ്പോൾ വലിയൊരു ശതമാനം വിദ്യാർഥികളും പ്ലസ്ടുവിന് ശേഷം ഡിഗ്രി കോഴ്സുകളിലേക്ക് പോകാറാണ് പതിവ്. എന്നാൽ ഈ അക്കാദമിക് വർഷം മുതൽ കേരളത്തിലെ സർവകലാശാലകൾ നാലുവർഷ ഡിഗ്രി കോഴ്സുകൾ അവതരിപ്പിക്കുമെന്ന് കരുതപ്പെടുന്നത്. ഉന്നതവിദ്യഭ്യാസ മന്ത്രി ആർ ബിന്ദു ഇക്കാര്യം നേരത്തെ വ്യക്തമാക്കുകയും ചെയ്തിരുന്നു. നാലുവർഷ ഡിഗ്രി കോഴ്സുകളുടെ ഘടന എങ്ങനെയായിരിക്കുമെന്ന് പരിശോധിക്കാം.

പ്ലസ് ടു പരീക്ഷാ ഫലം ഇന്ന് പ്രഖ്യാപിക്കും; റിസൾട്ടറിയാം ഈ വെബ്സൈറ്റുകളിലൂടെ
എന്താണ് നാലുവർഷ ഡിഗ്രി?
നിലവിൽ 3 വർഷം കൊണ്ട് അണ്ടർ ഗ്രാജ്വേറ്റ് ഡിഗ്രി സ്വന്തമാക്കുകയും അതിന് ശേഷം 2 വർഷം കൊണ്ട് പിജിയും സ്വന്തമാക്കുന്ന രീതിയാണുള്ളത്. എന്നാൽ ഇനി മുതൽ ഡിഗ്രി നാലുവർഷമാകും. പുതിയ ഡിഗ്രി കോഴ്സ് ഘടന അനുസരിച്ച് മൂന്നു വർഷം കഴിഞ്ഞ് പഠനം നിർത്തുന്നവർക്ക് ഡിഗ്രിയും ഒരു വർഷം കൂടി പഠിക്കുന്നവർക്ക് ഓണേഴ്സ് ഡിഗ്രിയും ലഭിക്കും.

ഓണേഴ്സ് ഡിഗ്രി നേടിയാലുള്ള ഗുണമെന്താണ്?
നാലു വർഷം കൊണ്ട് ഓണേഴ്സ് ഡിഗ്രി പൂർത്തിയാക്കുന്ന വിദ്യാർഥികൾക്ക് ഒരു വർഷം കൊണ്ട് പിജി പൂർത്തിയാക്കാൻ സാധിക്കും. രണ്ടാം വർഷത്തിലേക്ക് ലാറ്ററൽ എൻട്രി പ്രവേശനം നേടുന്നതിലൂടെയാണ് ഇത് സാധ്യമാകുന്നത്. നാലാം വർഷം പ്രൊജക്ടുകൾക്കും ഇൻ്റേൺഷിപ്പുകൾക്കുമൊക്കെയായിരിക്കും പ്രാധാന്യം. പ്രായോഗികമായ അറിവ് നേടുന്നതിന് ഓണേഴ്സ് ഡിഗ്രി ഏറെ സഹായകരമാകുമെന്ന് പ്രതീക്ഷിക്കാം.


വിദ്യാർഥി കേന്ദ്രീകൃതമായ പഠന രീതി
യുജിസിയുടെ പുതിയ മാർഗനിർദേശങ്ങൾ പാലിച്ചുകൊണ്ടാണ് പുതിയ ഡിഗ്രി പഠന രീതി നടപ്പാക്കപ്പെടുന്നത്. വിദ്യാർഥി കേന്ദ്രീകൃതമായിരിക്കും പുതിയ രീതി. ഭാഷാ പഠനത്തിന് ആദ്യ രണ്ടു വർഷങ്ങളിൽ ലഭിച്ചിരുന്ന പ്രാധാന്യം കുറയും. പ്രധാന വിഷയങ്ങൾക്കായിരിക്കും മുൻഗണന. മാത്രമല്ല, വിദ്യാർഥികൾക്ക് ഇഷ്ടാനുസരണം വിഷയങ്ങൾ തെരഞ്ഞെടുക്കാനും കഴിയും. ഉദാഹരണത്തിന് ആർട്സ് വിഷയങ്ങൾ പഠിക്കുന്നവർക്ക് പോലും താൽപ്പര്യമുണ്ടെങ്കിൽ മറ്റു സയൻസ് വിഷയങ്ങൾ പഠിക്കാൻ സാധിക്കും.

‌ഇന്ത്യൻ റെയിൽവേയുടെ പുതിയ പരിഷ്കരണങ്ങൾ തുണച്ചു; 50% ശതമാനം ടിക്കറ്റ് റീഫണ്ടുകളും 6 മണിക്കൂറിനുള്ളിൽ തീർപ്പാക്കപ്പെടുന്നു
കെ-റീപ് വരുന്നു
സർവകലാശാലകളുടെയും കോളേജുകളുടെയും പ്രവർത്തനങ്ങളുടെ സുഗമമായി നടത്തിപ്പിന് വേണ്ടി കെ-റീപ് (കേരള റിസോഴ്സ് ഫോർ എജ്യുക്കേഷൻ അഡ്മിനിസ്ട്രേഷൻ ആൻ്റ് പ്ലാനിങ്) എന്ന പ്ലാറ്റ്ഫോം രംഗത്തിറക്കുമെന്ന് മന്ത്രി ആർ ബിന്ദു വ്യക്തമാക്കിയിരുന്നു. വിദ്യാർഥികൾക്ക് അവരുടെ കോഴ്സുമായി ബന്ധപ്പെട്ട മുഴുവൻ വിവരങ്ങളും പോർട്ടലിൽ ലഭ്യമാകും.

ഡിഗ്രിക്ക് പോകാൻ താൽപ്പര്യമില്ലെങ്കിലോ?
നിരവധി സാധ്യതകളാണ് പ്ലസ്ടുവിന് ശേഷം വിദ്യാർഥികൾക്ക് ലഭിക്കുന്നത്. സർവകലാശാലകളിൽ പഠിച്ച് ഡിഗ്രി നേടാൻ താൽപ്പര്യമില്ലാത്ത സയൻസ് വിദ്യാർഥികൾക്ക് NEET അല്ലെങ്കിൽ JEE പ്രവേശന പരീക്ഷയെഴുതി മെഡിക്കൽ അല്ലെങ്കിൽ എഞ്ചിനീയറിങ് മേഖലയിലേക്ക് പോകാം. കേരള സർക്കാർ നടത്തുന്ന അംഗീകൃത പാരാമെഡിക്കൽ കോഴ്സുകളിലേക്കും പ്രവേശനം നേടാനാവും. കൊമേഴ്സ്, വിദ്യാർഥികൾക്കായും നിരവധി തൊഴിലധിഷ്ഠിത ഡിപ്ലോമ കോഴ്സുകളും ലഭ്യമാണ്.