പരീക്ഷയിൽ തോറ്റു; കേളേജ് വിദ്യാർത്ഥി പെട്രോളൊഴിച്ച് ആത്മഹത്യ ചെയ്തു

തൊടുപുഴ: സെമസ്റ്റർ പരീക്ഷയിൽ തോറ്റതിനെ തുടർന്ന് മനംനൊന്ത വിദ്യാർത്ഥി തീ കൊളുത്തി ആത്മഹത്യ ചെയ്തു. അമ്പലപ്പടി കലയന്താനി സ്വദേശി വാഴപ്പിള്ളില്‍ ഷമീറിന്‍റെ മകൻ സുധീർ (25)ആണ് മരിച്ചത്. തൊടുപുഴ ന്യൂമാൻ കോളേജ് അഞ്ചാം സെമസ്റ്റർ വിദ്യാർത്ഥിയാണ് സുധീർ. ശനിയാഴ്ച രാവിലെ ഐഡിൽ സ്കൂളിന് സമീപം ആക്ടീവയിലെത്തിയ സുധീർ ദേഹത്ത് പെട്രോൾ ഒഴിച്ച് ആത്ഹത്യക്ക് ശ്രമിക്കുകയായിരുന്നു.

തീ ആളിക്കത്തിയപ്പോൾ പരീക്ഷണാർത്ഥം റോഡിലേക്ക് ഓടിയെത്തിയ സുധീറിനെ കണ്ട നാട്ടുക്കാർ തീയണയ്ക്കാനുള്ള ശ്രമം നടത്തി. സമീപത്തൊന്നും വെള്ളമില്ലാതിരുന്നതിനാൽ രക്ഷിക്കാനായില്ല. പിന്നീട് കാളിയാർ പോലീസെത്തി തൊടുപുഴ താലൂക്കാശുപത്രിയിലും തുടർന്ന് എറണാകുളം മെഡിക്കൽ സെന്‍ററിലും എത്തിച്ചെങ്കിലും രക്ഷപ്പെടുത്താൻ കഴിഞ്ഞില്ല.

എസ്എസ്എല്‍സിക്കും ഹയര്‍സെക്കന്‍ഡറി പരീക്ഷയിക്കും ഉന്നത് വിജയമായിരുന്ന സുധീറിന്. എന്നാൽ ബികോം അഞ്ചാം സെമസ്റ്റര്‍ ഫലം പുറത്തു വന്നപ്പോള്‍ മാര്‍ക്ക് വളരെ കുറവായിരുന്നു. ഇതില്‍ മനം നൊന്താണ് ആത്മഹത്യയ്ക്ക് ശ്രമിച്ചത്. കാലിന് പരുക്കേറ്റതിനെ തുടര്‍ന്ന് രണ്ട് മാസത്തോളമായി കോളേജിൽ പോയിട്ട്. ചികിത്സയിലിരിക്കെയാണ് സുധീർ ആത്മഹത്യ ചെയ്തത്. പോസ്റ്റുമോർട്ടത്തിന് ശേഷം ഇന്നുവൈകുന്നേരത്തോടെ സംസ്കരിക്കും.

Didn't get good marks; B.com student committed suicide

B.com student committed suicide on road side, for not getting good marks in final exam.