അച്ഛന്‍റെ ശ്രാദ്ധം; കനത്ത സുരക്ഷയില്‍ ദിലീപിനെ വീട്ടിലെത്തിച്ചു

അങ്കമാലി: രണ്ടു മാസത്തോളമായുളള ജയില്‍ വാസത്തിനു ശേഷം അച്ഛന്റെ ശ്രാദ്ധ ചടങ്ങില്‍ പങ്കെടുക്കാന്‍ നടന്‍ ദിലീപ് വീട്ടിലെത്തി. വന്‍ സുരക്ഷാ സന്നാഹങ്ങളോടെയാണ് പോലീസ് ദിലീപിനെ വീട്ടിലെത്തിച്ചത്. രാവിലെ എട്ടുമണിയോടെ ആലുവ സബ് ജയിലില്‍ നിന്നും ദിലീപിനെ പുറത്തിറക്കി.

പെരിയാറിനോടു ചേര്‍ന്നുള്ള ആലുവ കൊട്ടാരക്കടവിലെ പദ്മസരോവരം എന്ന വീട്ടിലും ആലുവ മണപ്പുറത്തുമാണ് ചടങ്ങുകള്‍.സുരക്ഷാ കാരണങ്ങളാല്‍ ആലുവ മണപ്പുറത്തെ ചടങ്ങില്‍ ദിലീപിനെ പങ്കെടുപ്പിക്കില്ലെന്നാണ് അറിയിച്ചിരിക്കുന്നത്. ദിലീപിനെ കാണാന്‍ ബന്ധുക്കളും സുഹൃത്തുക്കളും വീട്ടിലെത്തിയിട്ടുണ്ട്.

മാധ്യമങ്ങളെ കാണാനും മൊബൈല്‍ ഫോണ്‍ അടക്കമുള്ളവ ഉപയോഗിക്കാനും ദിലീപിന് കോടതി വിലക്കേര്‍പ്പെടുത്തിയിട്ടുണ്ട്. അങ്കമാലി മജിസ്ട്രേറ്റ് കോടതിയാണ് ചടങ്ങില്‍ പങ്കെടുക്കാന്‍ ദിലീപിന് അനുമതി നല്‍കിയത്. രാവിലെ എട്ടുമുതല്‍ 10 വരെയാണ് ജയിലിനു പുറത്തിറങ്ങാന്‍ അനുമതി.

Dileep reaches home for doing his father's death anniversery rites

Dileep reaches home for doing his father's death anniversery rites . Dileep's relatives and friends too reached there to meet him