ദിലീപിനെ ഫിയോക്കിൽ നിന്ന് പുറത്താക്കില്ലെന്ന് ജനറൽ സെക്രട്ടറി

കൊച്ചി: നടൻ ദിലീപ് തീയേറ്റര്‍ ഉടമകളുടെ സംഘടനയായ ഫിയോക്കിൽ തുടരുമെന്ന് ജനറൽ സെക്രട്ടറി എം സി ബോബി. വിഷയത്തിൽ പ്രശ്നങ്ങള്‍ ഉണ്ടാക്കാതെ മുന്നോട്ടു പോകുകയാണ് വേണ്ടതെന്നും അദ്ദേഹം പറഞ്ഞു.

നിലവിലെ വിവാദങ്ങളും പ്രശ്നങ്ങളും ഏറ്റവുമധികം പ്രതിസന്ധിയിലാക്കുന്നത് സിനിമാമേഖലയെയാണെന്നും ഇക്കാര്യത്തിൽ ഒരു വിവാദത്തിന് ഇടനല്‍കാതെ മുന്നോട്ട് പോകുകയാണ് വേണ്ടതെന്നും എം സി ബോബി പറഞ്ഞു. മുൻവിധികളുടെ അടിസ്ഥാനത്തിൽ ദിലീപ് കുറ്റക്കാരനാണെന്ന് പറഞ്ഞു നടക്കേണ്ട കാര്യമില്ല. വിവാദങ്ങളും പ്രശ്നങ്ങളും തുടര്‍ന്നു കൊണ്ടു പോകുന്നത് എല്ലാവരും സ്വന്തം ചോറിൽ മണ്ണ് വാരിയിടുന്ന പോലെയാണെന്നും അദ്ദേഹം പറഞ്ഞു.

നടിയെ ആക്രമിച്ച കേസ് കോടതിയിൽ നടക്കുന്നുണ്ട്. ദിലീപ് കുറ്റക്കാരനാണെന്ന് തെളിഞ്ഞാൽ അപ്പോള്‍ നടപടി സ്വീകരിക്കാമെന്നും അദ്ദേഹം പറഞ്ഞു.