ആപ്പ്ജില്ല

തിരുവോണദിവസം പിഎസ്‌സി ഓഫീസിന് മുന്നിൽ അടൂർ ഗോപാലകൃഷ്ണൻ ഉപവാസമിരിക്കും

ഐക്യമലയാള പ്രസ്ഥാനത്തിന് പിന്തുണ നൽകിയാണ് അടൂർ ഉപവാസമിരിക്കുന്നത്. തൊഴിൽ പരീക്ഷകൾ മലയാളത്തിൽ നടത്തണമെന്നാണ് ആവശ്യം.

Samayam Malayalam 9 Sept 2019, 9:19 pm
തിരുവനന്തപുരം: കേരളത്തിലെ എല്ലാ തൊഴിൽ പരീക്ഷകളും മലയാളത്തിൽ നടത്തണമെന്ന ആവശ്യവുമായി പി.എസ്.സി ഓഫീസിന് മുന്നിൽ നടക്കുന്ന സമരം ശക്തമാകുന്നു. മലയാളത്തിലും ന്യൂനഭാഷകളിലും പരീക്ഷ നടത്തണമെന്നാണ് ഐക്യമലയാള പ്രസ്ഥാനത്തിന്റെ നേതൃത്വത്തിൽ നടത്തുന്ന സമരത്തിൽ ഉന്നയിക്കുന്ന ആവശ്യം.
Samayam Malayalam adoor


തിരുവോണ ദിവസമായ ബുധനാഴ്ച്ച സംവിധായകൻ അടൂർ ഗോപലകൃഷ്ണൻ പിഎസ്‌സി ഓഫീസിന് മുന്നിൽ നിരാഹാര സമരമിരിക്കും. കവയിത്രി സുഗതകുമാരി, എഴുത്തുകാരൻ എം കെ സാനു,സംവിധായകൻ ഷാജി എൻ കരുൺ, സി. രാധാകൃഷ്ണൻ എന്നിവരും അടൂരിന് ഐക്യദാർഢ്യവുമായി സമരത്തിന് ഒപ്പം ചേരും. കഴിഞ്ഞ മാസം 29 നാൻ ഐക്യമലയാളം പ്രസ്ഥാനത്തിന്റെ നേതൃത്വത്തിൽ സമരം ആരംഭിച്ചത്.

കവി മധുസൂദനൻ നായരും അടൂർ ഗോപാലകൃഷ്ണനും നേരത്തെ മുഖ്യമന്ത്രിയെ കണ്ട് ആവശ്യം ഉന്നയിച്ചിരുന്നെങ്കിലും വ്യക്തമായ നിലപാട് മുഖ്യമന്ത്രി അറിയിച്ചില്ല. രൂപിമ, ശ്രേയ, എൻ.പി പ്രിയേഷ് എന്നിവരാണ് ആദ്യം നിരാഹാരം ഇരുന്നത്. ഇവരുടെ ആരോഗ്യനില വഷളായതിനെ തുടർന്ന് സമരപ്പന്തലിൽ നിന്ന് അറസ്റ്റ് ചെയ്ത് നീക്കി. തങ്ങളുടെ ആവശ്യം സർക്കാർ അംഗീകരിക്കുന്നത് വരെ സമരം തുടരുമെന്ന് ഐക്യമലയാള പ്രസ്ഥാനം പ്രവർത്തകർ അറിയിച്ചു.

ആര്‍ട്ടിക്കിള്‍ ഷോ

ട്രെൻഡിങ്