മണ്‍സൂൺ കാലത്ത് കരിപ്പൂരിൽ വലിയ വിമാനങ്ങള്‍ക്ക് വിലക്ക് ഏര്‍പ്പെടുത്തി ഡിജിസിഎ

കോഴിക്കോട് ։ കരിപ്പൂരിൽ വലിയ വിമാനങ്ങള്‍ക്ക് വിലക്ക് ഏര്‍പ്പെടുത്തി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ). മണ്‍സൂണ്‍ കാലയളവിൽ മാത്രമാണ് വിലക്കുള്ളത് എന്നാണ് റിപ്പോര്‍ട്ട്.

Also Read : കൊവിഡ്-19; സംസ്ഥാനത്തെ പുതിയ ക്ലസ്റ്ററുകളും വിശദമായ വിവരങ്ങളും

വെള്ളിയാഴ്ച എയര്‍ ഇന്ത്യ എക്സ്പ്രസ് വിമാനം ലാന്‍ഡിങ്ങിനിടെ തകര്‍ന്ന് വീണതിനിനെ തുടര്‍ന്നാണ് ഇത്തരത്തില്‍ തീരുമാനത്തിലേക്ക് എത്തിയത്. കനത്ത മഴ ലഭിക്കുന്ന വിമാനത്താവളങ്ങളിൽ പ്രത്യേക പരിശോധനയ്ക്കും തീരുമാനം ഡിജിസിഎ എടുത്തിട്ടുണ്ടെന്നാണ് റിപ്പോര്‍ട്ടുകള്‍.

വെള്ളിയാഴ്ച കരിപ്പൂരുണ്ടായ വിമാനാപകടത്തിൽ 18 പേരാണ് മരിച്ചത്. അതിന് പിന്നാലെ വലിയ വിമാനങ്ങള്‍ക്ക് കരിപ്പൂരിൽ താത്കാലിക നിയന്ത്രണം ഏര്‍പ്പെടുത്തിയിരുന്നു. അതിന് പിന്നാലെയാണ് ഇത്തരത്തിൽ പുതിയ തീരുമാനമുണ്ടായിരിക്കുന്നത്.



അപകടത്തിൽ പരിക്കേറ്റ് ചികിത്സയിൽ കഴിയുകയായിരുന്ന 43 പേര്‍കൂടി ആശുപത്രി വിട്ടു. നിലവിൽ 15 കുട്ടികള്‍ ഉള്‍പ്പടെ 68 പേരാണ് ചികിത്സയിൽ കഴിയുന്നത്. ഇതിൽ 25 പേര്‍ ഇപ്പോഴും അപകടനില തരണം ചെയ്തിട്ടില്ലെന്നാണ് റിപ്പോര്‍ട്ട്.

Also Read : കേരളത്തിൽ ഇന്ന് 1417 പേര്‍ക്ക് കൊവിഡ് രോഗബാധ സ്ഥിരീകരിച്ചു; 1426 രോഗമുക്തി

ഇതിനിടെ കരിപ്പൂരിലെ സുരക്ഷ വീഴ്ച ചൂണ്ടിക്കാട്ടി ഡയറക്ടര്‍ ജനറല്‍ ഓഫ് സിവിൽ ഏവിയേഷൻ അരുണ്‍ കുമാറിനനെ സ്ഥാനത്ത് നിന്നും മാറ്റണമെന്ന് പൈലറ്റുമാരുടെ സംഘടന ആവശ്യപ്പെട്ടിട്ടുണ്ട്.