ആറ്റുകാൽ പൊങ്കാല ഇന്ന്; ചരിത്രത്തിലാദ്യമായി ക്ഷേത്രത്തിലെ പണ്ടാര അടുപ്പിൽ മാത്രം

തിരുവനന്തപുരം: ചരിത്രത്തിലാദ്യമായി ക്ഷേത്രച്ചടങ്ങുകളിൽ മാത്രമൊതുക്കി ആറ്റുകാൽ പൊങ്കാല. കൊവിഡ് 19 സാഹചര്യത്തിൽ ആള്‍ക്കൂട്ടങ്ങള്‍ ഒഴിവാക്കുന്നതിൻ്റെ ഭാഗമായാണ് ഭക്തരോട് വീടുകളിൽ പൊങ്കാലയര്‍പ്പിക്കാൻ നിര്‍ദേശിച്ചത്. ക്ഷേത്രത്തിൽ പൊങ്കാല നടക്കുന്ന സമയത്ത് വീടുകളിൽ പൊങ്കാല അര്‍പ്പിക്കുകയും നിവേദിക്കുകയും ചെയ്യാമെന്നാണ് ക്ഷേത്ര ട്രസ്റ്റിൻ്റെ നിര്‍ദേശം. Also Read: ഖഷോഗിയെ കൊല്ലാൻ നിർദേശിച്ചത് സൽമാൻ രാജകുമാരൻ; സൗദിയ്ക്കെതിരെ തുറന്നടിച്ച് യുഎസ് റിപ്പോർട്ട്

രാവില 10.50ന് ക്ഷേത്ര തിടപ്പള്ളിയിലെ പൊങ്കാലയടുപ്പിൽ തീപകരുന്നത്. ഇതിനു ശേഷം പണ്ടാരയടുപ്പിൽ അഗ്നി തെളിയ്ക്കും. വൈകിട്ട് 3.40ന് ഉച്ചപൂജയ്ക്ക് ശേഷമായിരിക്കും പൊങ്കാല നിവേദ്യം. അതേസമയം,രാത്രി 7.30ന് പുറത്തെഴുന്നെള്ളത്തും 11 മണിയ്ക്ക് തിരിച്ചെഴുന്നെള്ലത്തും നടത്തുമെങ്കിലും വഴിയിൽ തട്ടം നിവേദ്യമോ വരവേൽപ്പോ നടത്തില്ല. പെതുസ്ഥലങ്ങളിൽ പൊങ്കാലയര്‍പ്പണം നടത്തരുനെന്ന് തിരുവനന്തപുരം ജില്ലാ ഭരണകൂടവും നിര്‍ദേശിച്ചിട്ടുണ്ട്.

Also Read: കൊവിഡ്-19 വാക്‌സിനേഷൻ; കൊവിൻ ആപ്പിൽ എങ്ങനെ രജിസ്റ്റർ ചെയ്യാം?

ക്ഷേത്രത്തോടു ചേര്‍ന്നുള്ള വീടുകളിൽ ബന്ധുക്കള്‍ ഉള്‍പ്പെടെയെത്തി കൂട്ടം കൂടരുതെന്നും കൂട്ടമായി ക്ഷേത്രത്തിലെത്തരുതെന്നും നിര്‍ദേശമുണ്ട്. ക്ഷേത്രത്തിൽ നിന്നുള്ള പൂജാരിമാര്‍ വീടുകളിൽ നടത്തുന്ന പൊങ്കാലയ്ക്ക് എത്തുന്നതും ഒഴിവാക്കും. അതേസമയം, കൊവിഡ് 19 മാനദണ്ഡങ്ങള്‍ പാലിച്ച് ക്ഷേത്രദര്‍ശനം നടത്തുന്നതിൽ തടസ്സമില്ലെന്നാണ് അറിയിച്ചിട്ടുള്ളത്.