വിയ്യൂരിലെ തടവുകാരന്‍റെ വയറ്റില്‍ നിന്നും മൊബൈൽ ഫോണെടുത്തു

തൃശൂർ: വിയ്യൂരിലെ തടവുകാരന്‍റെ വയര്‍ കഴുകി മൊബൈൽ ഫോൺ പുറത്തെടുത്തു. ജയിലിനുള്ളിലേക്ക് മൊബൈൽ കയറ്റാൻ മലദ്വാരത്തില്‍ കയറ്റി ഒളിപ്പിക്കവേ ഉള്ളിലേക്ക് കയറി പോവുകയായിരുന്നു. കുറച്ച് നാളായി ഇയാൾ നടക്കാൻ ബുദ്ധിമുട്ട് പ്രകടമാക്കിയിരുന്നു. ഇതെ തുടര്‍ന്നാണ് ജയിൽ അധികൃതര്‍ ഇയാളെ പരിശോധനക്ക് വിധേയനാക്കിയത്. അപ്പോഴാണ് ഈ കുഞ്ഞുവലിയ കള്ളത്തരം പുറത്തായത്. നോര്‍ത്ത് പറവൂര്‍ കാഞ്ഞിരപ്പറമ്പില്‍ അല്‍സാദാണ് ഈ മിടുക്ക് കാട്ടിയ വിരുതൻ.

ജില്ലാ ആശുപത്രിയിലെ പരിശോധനയില്‍ തന്നെ മൊബൈൽ ഫോണിന്‍റെ സാന്നിധ്യം മനസിലാക്കിയിരുന്നു. എന്നാല്‍ അത് മൊബൈൽ ഫോണായിരിക്കുമെന്ന് ഡോക്ടര്‍മാര്‍ പോലും കരുതിയിരിക്കില്ല. തുടര്‍ന്ന് മെഡിക്കൽ കോളേജില്‍ നടത്തിയ തുടര്‍ പരിശോധനയിലാണ് ഇത് മൊബൈൽ ഫോണാണ് എന്ന കാര്യം മനസ്സിലാക്കിയത്. പിന്നീട് ഉടൻ വയര്‍ കഴുകി ഇത് പുറത്തെടുക്കുകയായിരുന്നു.


Doctor Found Mobile Phone from Prisoners Stomach

A man admitted to hospital was found to have a mobile phone in his stomach.