ട്രാന്‍സ്‌ഫോര്‍മറും ലൈനും വലിച്ചാല്‍ നിര്‍മ്മാണ പ്രവര്‍ത്തനമാകില്ലെന്ന് കാനം

തിരുവനന്തപുരം: അതിരപ്പിള്ളി പദ്ധതിയേക്കുറിച്ചുള്ള സര്‍ക്കാര്‍ വാദങ്ങള്‍ ഗൗരവത്തിലെടുക്കുന്നില്ലെന്ന് സി പി ഐ സംസ്ഥാന സെക്രട്ടറി കാനം രാജേന്ദ്രന്‍. നിര്‍മ്മാണ പ്രവര്‍ത്തനങ്ങള്‍ കാര്യമായി എടുക്കേണ്ടതില്ല. ട്രാന്‍സ്‌ഫോര്‍മറും വൈദ്യുതി ലൈനും വലിച്ചാല്‍ നിര്‍മ്മാണ പ്രവര്‍ത്തനമാകില്ല കാനം പറഞ്ഞു.

അതിരപ്പിള്ളിയേക്കുറിച്ചുള്ള വാദങ്ങള്‍ താന്‍ വര്‍ഷങ്ങളായി കേള്‍ക്കുന്നതാണ്. അതുകൊണ്ടു തന്നെ പുതിയ വാദങ്ങളില്‍ കഴമ്പില്ല. കുട്ടി ജനിക്കാതെ നൂല് കെട്ടിയിട്ട് എന്തു കാര്യമെന്നും നിര്‍മാണ പ്രവര്‍ത്തനങ്ങളെ സൂചിപ്പിച്ച് കാനം പറഞ്ഞു.

പാരിസ്ഥിതിക അനുമതി അവസാനിക്കുന്ന ജൂലൈ 18 ന് മുമ്പ് കെ എസ്ഇ ബി സ്ഥലത്ത് നിര്‍മ്മാണ പ്രവര്‍ത്തനങ്ങള്‍ തുടങ്ങിയെന്നാണ് സര്‍ക്കാര്‍ അവകാശപ്പെടുന്നത്. ഇതു സംബന്ധിച്ച് മന്ത്രി എം എം മണിയും ബുധനാഴ്ച നിയമസഭയില്‍ പ്രസ്താവന നടത്തിയിരുന്നു.​ കാനം പറഞ്ഞു.

Does not take government's contentions on Athirappilly project seriously: Kanam

CPI state secretary Kanam Rajendran has said that the CPI has not taken the beginning of construction activities for Athirappily power project serious