തിരുവനന്തപുരം: മൊബൈലില്‍ സംസാരിച്ച്‌ സ്വകാര്യബസ് ഓടിച്ച ഡ്രൈവറുടെ ലൈസന്‍സ് റദ്ദാക്കി. നേമം സ്റ്റുഡിയോ റോഡ് രാധാഭവനില്‍ കാര്‍ത്തിക്കിന്റെ ഡ്രൈവിങ് ലൈസന്‍സാണ് തിരുവനന്തപുരം ആര്‍.ടി.ഒ. ബി. മുരളീകൃഷ്ണന്‍ റദ്ദാക്കിയത്. മൊബൈലില്‍ സംസാരിച്ച്‌ തിരക്കുള്ള റോഡിലൂടെ ബസ് ഓടിക്കുന്ന ഡ്രൈവറുടെ വീഡിയോ നവമാധ്യമങ്ങളില്‍ പ്രചരിച്ചിരുന്നു. യാത്രക്കാരുടെ ജീവന്‍ അപകടത്തിലാകും വിധത്തില്‍ അലക്ഷ്യമായി ബസോടിച്ചതിനാണ് നടപടി. ലൈസന്‍സിങ് അതോറിറ്റിയുടെ പ്രത്യേക അധികാരം ഉപയോഗിച്ച്‌ ലൈസന്‍സ് തിരിച്ചെടുക്കുകയായിരുന്നു.
പുലയനാര്‍കോട്ട- പൂന്തുറ റൂട്ടിലെ കാശിനാഥന്‍ എന്ന സ്വകാര്യ ബസിലെ ഡ്രൈവറായിരുന്നു കാര്‍ത്തിക്. ബസിലെ യാത്രക്കാരി വീഡിയോ പകര്‍ത്തി ഫേസ്ബുക്കിലിടുകയായിരുന്നു. തിരുവനന്തപുരം മെഡിക്കല്‍ കോളജില്‍ നിന്നും കിഴക്കേക്കോട്ടയിലേക്കു പോകുകയായിരുന്നു ബസ്. തൂവാനത്തുമ്പികൾ എന്ന ഫേസ്ബുക്ക് പേജിലാണ് നീണ്ട കുറിപ്പോടെ വീഡിയോ പ്രത്യക്ഷപ്പെട്ടത്. ഒറ്റകൈ ഉപയോഗിച്ച്‌ 15 മിനുറ്റിലധികം കാര്‍ത്തിക് ബസ് ഓടിച്ചുവെന്നായിരുന്നു റിപ്പോര്‍ട്ടുകള്‍.
ഫേസ്ബുക്ക് വീഡിയോ പ്രചരിച്ചതിനെ തുടര്‍ന്ന് കന്റോണ്‍മെന്റ് പോലീസ് കാര്‍ത്തികിനെ പിടികൂടി ട്രാഫിക് പോലീസിന് കൈമാറിയിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
