ലഹരിക്കടിമയായ സഹോദരന്‍ അനുജനെ കുത്തിക്കൊന്നു

പാലക്കാട്: പാലക്കാട് ലഹരിക്കടിമയായ സഹോദരന്‍ ഒന്‍പതു വയസുകാരനായ അനുജനെ കുത്തിക്കൊന്നു. ബിരുദ വിദ്യാര്‍ത്ഥിയായ നബീല്‍ ഇബ്രാഹfമാണ് അനുജന്‍ മുഹമ്മദ് ഇബ്രാഹിമിനെ കുത്തിക്കൊന്നത്. സംഭവത്തില്‍ നബീലിനെ പോലീസ് കസ്റ്റടിയില്‍ എടുത്തു.

കൊപ്പം നടുവട്ടം കൂര്‍ക്ക പറമ്പ് വീട്ടില്‍ ഇബ്രാഹിമിന്‍റെ മകന്‍ മുഹമ്മദ് ഇബ്രാഹിമാണ് കുത്തേറ്റു മരിച്ചത്. കുട്ടിയുടെ അനുജനും ഏഴുവയസുകാരനുമായ അഹമ്മദിനും കത്തിക്കുത്തില്‍ പരിക്കേറ്റിട്ടുണ്ട്.

സംഭവത്തെ കുറിച്ച് പോലീസ് പറയുന്നത് ഇങ്ങനെ: മാതാപിതാക്കളുമായുള്ള വഴക്കിനിടയില്‍ മൂത്ത മകനായ നബീല്‍ അനുജന്മാരെ കുത്തുകയായിരുന്നു. നെഞ്ചില്‍ ആഴത്തില്‍ പരിക്കേറ്റ മുഹമ്മദ് ഇബ്രാഹിമിനേയും അനുജന്‍ അഹമ്മദിനേയും ഉടന്‍ തന്നെ വളാഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മുഹമ്മദ് ഇബ്രാഹിമിന്റെ ജീവന്‍ രക്ഷിക്കാനായില്ല.

കുട്ടികളെ കുത്തിയശേഷം നബീല്‍ ഒാടി രക്ഷപ്പെടുകയായിരുന്നു. നാട്ടുകാരാണ് നബീലിനെ പിടികൂടി പോലീസിന് കൈമാറിയത്.