കറുകച്ചാൽ: ബസിൽ ആൺകുട്ടിയും പെൺകുട്ടിയും ഒരേ സീറ്റിൽ ഇരുന്നതിന് ബസിൽ ബഹളം വെച്ച മദ്ധ്യവയസ്കനെ പിടികൂടി പോലീസ്. മദ്യലഹരിയിൽ ബസിനുള്ളിൽ സദാചാര ഗുണ്ടായിസം കാട്ടി യുവാക്കളെ പോലീസിൽ പിടിപ്പിക്കാൻ ശ്രമിച്ചയാളാണ് സ്വയം കുഴിയിൽ വീണത്. മുണ്ടക്കയം സ്വദേശി പുത്തൻപുരയ്ക്കൽ മുരുകനാണ് കുടുങ്ങിയത്. ഒരേ സീറ്റിൽ ഇരിക്കുന്ന ആൺകുട്ടിയും പെൺകുട്ടിയും കൂടി അനാശ്യാസം നടത്തുകയാണെന്നും ബസ് പോലീസ് സ്റ്റേഷനിലേയ്ക്ക് വിടണമെന്നുമായിരുന്നു ഇയാളുടെ ആവശ്യം. ഒടുവിൽ ബസ് ജീവനക്കാരെ നിര്ബന്ധിച്ച് പോലീസ് സ്റ്റേഷനു മുന്നിൽ ഇയാള് ബസ് നിര്ത്തിക്കുകയായിരുന്നു.
ചങ്ങനാശ്ശേരിയിൽ നിന്ന് കുമളിയിലേയ്ക്ക് പോകുകയായിരുന്ന കെഎസ്ആര്ടിസി ബസിൽ വൈകിട്ട് അഞ്ചരയോടെയാണ് നാടകീയ സംഭവങ്ങള് അരങ്ങേറിയത്. ചങ്ങനാശ്ശേരിയിൽ നിന്ന് ബസിൽ കയറിയ കോളേജ് വിദ്യാര്ത്ഥിനിയും ഒരു യുവാവും പിൻസീറ്റിൽ ഒരുമിച്ച് ഇരുന്നതോടെയാണ് ഇയാള് ബഹളത്തിന് തുടക്കമിട്ടത്. പോലീസിൽ അറിയിച്ച് ഇവര്ക്കെതിരെ കേസെടുക്കണമെന്നായിരുന്നു ഇയാളുടെ ആവശ്യം. തുടര്ന്ന് കറുകച്ചാൽ പോലീസ് സ്റ്റേഷനു മുന്നിൽ ബസ് നിര്ത്തിക്കുകയായിരുന്നു.
ഇരുവരെയും പരാതിക്കാരനായ മദ്ധ്യവയസ്കനെയും പോലീസ് സ്റ്റേഷനിലേയ്ക്ക് കൊണ്ടുപോയ ശേഷം പെൺകുട്ടിയുടെ വീട്ടിലേയ്ക്ക് പോലീസ് ബന്ധപ്പെട്ടു. ഒപ്പമുണ്ടായിരുന്ന യുവാവ് ബന്ധുവാണെന്ന് അറിഞ്ഞതോടെ ഇവരെ പോലീസ് വിട്ടയച്ചു. എന്നാൽ സ്റ്റേഷനിൽ വെച്ച് ബഹളം വെച്ച പരാതിക്കാരൻ മദ്യലഹരിയിലായിരുന്നുവെന്ന് മനസ്സിലാക്കിയ പോലീസ് ഇയാള്ക്കെതിരെ കേസെടുക്കുകയായിരുന്നു.
ചങ്ങനാശ്ശേരിയിൽ നിന്ന് കുമളിയിലേയ്ക്ക് പോകുകയായിരുന്ന കെഎസ്ആര്ടിസി ബസിൽ വൈകിട്ട് അഞ്ചരയോടെയാണ് നാടകീയ സംഭവങ്ങള് അരങ്ങേറിയത്. ചങ്ങനാശ്ശേരിയിൽ നിന്ന് ബസിൽ കയറിയ കോളേജ് വിദ്യാര്ത്ഥിനിയും ഒരു യുവാവും പിൻസീറ്റിൽ ഒരുമിച്ച് ഇരുന്നതോടെയാണ് ഇയാള് ബഹളത്തിന് തുടക്കമിട്ടത്. പോലീസിൽ അറിയിച്ച് ഇവര്ക്കെതിരെ കേസെടുക്കണമെന്നായിരുന്നു ഇയാളുടെ ആവശ്യം. തുടര്ന്ന് കറുകച്ചാൽ പോലീസ് സ്റ്റേഷനു മുന്നിൽ ബസ് നിര്ത്തിക്കുകയായിരുന്നു.
ഇരുവരെയും പരാതിക്കാരനായ മദ്ധ്യവയസ്കനെയും പോലീസ് സ്റ്റേഷനിലേയ്ക്ക് കൊണ്ടുപോയ ശേഷം പെൺകുട്ടിയുടെ വീട്ടിലേയ്ക്ക് പോലീസ് ബന്ധപ്പെട്ടു. ഒപ്പമുണ്ടായിരുന്ന യുവാവ് ബന്ധുവാണെന്ന് അറിഞ്ഞതോടെ ഇവരെ പോലീസ് വിട്ടയച്ചു. എന്നാൽ സ്റ്റേഷനിൽ വെച്ച് ബഹളം വെച്ച പരാതിക്കാരൻ മദ്യലഹരിയിലായിരുന്നുവെന്ന് മനസ്സിലാക്കിയ പോലീസ് ഇയാള്ക്കെതിരെ കേസെടുക്കുകയായിരുന്നു.