പാലക്കാട് ഡിവൈഎഫ്‍ഐ പ്രവര്‍ത്തകന് വെട്ടേറ്റു

പാലക്കാട്: ഇടത് യുവജന സംഘടന ഡിവൈഎഫ്ഐയുടെ പ്രവര്‍ത്തകനെ ഒരുകൂട്ടം ആളുകള്‍ വെട്ടിപ്പരിക്കേല്‍പ്പിച്ചതായി പരാതി. പാലക്കാട് മേനോൻ പാറയിൽ കൂരാന്‍പാറ പ്രശാന്തിനാണ് വെട്ടേറ്റത്. ഗുരുതരമായി പരിക്കേറ്റ ഇയാളെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു - വിവിധ മാധ്യമങ്ങള്‍ റിപ്പോര്‍ട്ട് ചെയ്‍തു.

അക്രമം നടത്തിയത് ആരാണെന്ന് ഇതുവരെ സൂചനകള്‍ ഒന്നും ലഭിച്ചിട്ടില്ല. വെട്ടിപ്പരിക്കേല്‍പ്പിച്ചത് ബിജെപി യെന്നാണ് സിപിഎം പ്രാദേശിക നേതാക്കള്‍ ആരോപിക്കുന്നത്. എന്നാല്‍ ബിജെപി നേതൃത്വം ഇക്കാര്യം നിഷേധിച്ചു. വീട്ടിലേക്ക് ഇരച്ചു കയറിയ ആളുകള്‍ തലങ്ങും വിലങ്ങും പ്രശാന്തിനെ വെട്ടി പരിക്കേല്‍പ്പിക്കുകയായിരുന്നു.