വിഴിഞ്ഞം: അജ്ഞാതസംഘം ഡിവൈഎഫ്ഐ നേതാവിനെ ആക്രമിച്ച് പരിക്കേൽപ്പിച്ചു. ഇരുചക്രവാഹനത്തിൽ യാത്ര ചെയ്യുന്നതിനിടെയായിരുന്നു ആക്രമണം. മകളുമൊത്ത് യാത്ര ചെയ്യുന്നതിനിടെ ഡിവൈഎഫ്ഐ കോവളം ഏറിയ സെക്രട്ടറി മുബാറക് ഷാ(35)ക്ക് നേരെയാണ് ആക്രമണമുണ്ടായത്.
Also Read: പക്ഷാഘാതം ബാധിച്ച് ഭർത്താവ് കാറിൽ ഉപേക്ഷിച്ച വീട്ടമ്മ മരിച്ചു
സിസിലിപുരം ഉച്ചക്കട റോഡിൽ വെച്ചാണ് അജ്ഞാതസംഘം മുബാറക് ഷായെ ആക്രമിച്ചത്. മൂന്ന് വയസുള്ള മകളാണ് മുബാറക് ഷാക്ക് ഒപ്പമുണ്ടായിരുന്നത്.അക്രമികൾക്കായി തെരച്ചിൽ ആരംഭിച്ചുവെന്ന് വിഴിഞ്ഞം പോലീസ് അറിയിച്ചു. മുബാറക് ഷാ ചികിത്സയിൽ തുടരുകയാണ്. സിസിടിവി ദൃശ്യങ്ങൾ പരിശോധിച്ച് വരികയാണെന്ന് പോലീസ് പറഞ്ഞു. സംഭവത്തിൽ പ്രതിഷേധിച്ച് വിഴിഞ്ഞത്ത് ഡിവൈഎഫ്ഐ പ്രതിഷേധ പ്രകടനം നടത്തി.