ബിജെപിയുടെ കൊടികെട്ടിയ ഗാന്ധി പ്രതിമയിൽ പുഷ്പഹാരം അണിയിച്ച് ഡിവൈഎഫ്ഐ

പാലക്കാട്: ബിജെപി കൊടികെട്ടിയ ഗാന്ധി പ്രതിമയിൽ പുഷ്പഹാരം അണിയിച്ച് ഡിവൈഎഫ്ഐ പ്രവർത്തകർ. സംഭവത്തിൽ ഡിവൈഎഫ്ഐ പാലക്കാട് ജില്ലാ കമ്മിറ്റിയുടെ നേതൃത്വത്തിൽ പ്രതിഷേധ പരിപാടികൾ നടന്നു, ഇതിനോടനുബന്ധിച്ചാണ് പ്രതിമയിൽ പുഷ്പഹാരം അണിയിച്ചത്.

മന്ത്രി സുധാകരൻ സുന്നത്ത് നടത്തി മതം മാറണം; പാകിസ്ഥാനിലേക്ക് വീട് മാറ്റണം: ബി ഗോപാലകൃഷ്ണൻ
ഇന്നു രാവിലെയാണ് ഗാന്ധി പ്രതിമയിൽ ബിജെപി പതാക കെട്ടിയത്. സംഭവം നടക്കുമ്പോൾ സ്ഥിരം കൗൺസിൽ അംഗങ്ങളുടെ തെരഞ്ഞെടുപ്പ് നടക്കുകയായിരുന്നു. സംഭവം വിവാദമായതോടെ കോൺഗ്രസിന്റെ കൗൺസില‍മാ‍ര്‍ പ്രതിഷേധവുമായി എത്തി. പോലീസെത്തിയാണ് പതാക നീക്കിയത്. യുഡിഎഫ് കൗൺസില‍‍ര്‍മാ‍ര്‍ പ്രതിമയ്ക്കു മുന്നിൽ കുത്തിയിരുന്ന് പ്രതിഷേധിച്ചു.

സുരേന്ദ്രന്റെ പണി പാളി; കേരളത്തിലെ കൊവിഡ് പ്രതിരോധം മികച്ചതെന്ന് കേന്ദ്രം
ആ‍‍ര്‍എസ്എസ് അജണ്ട നടപ്പാക്കുന്നതിന്റെ ഭാഗമായാണ് പ്രതിമയിൽ കൊടികെട്ടിയതെന്ന് കോൺഗ്രസ് ആരോപിച്ചു. പതാക പുതപ്പിച്ചതിൽ ബിജെപിക്ക് പങ്കില്ലെന്ന് ജില്ലാ പഞ്ചായത്ത് പ്രസിഡന്റ് ഇ കൃഷ്ണദാസ് പറഞ്ഞു. തദ്ദേശ സ്വയംഭരണ തെരഞ്ഞെടുപ്പ് ജയത്തിനു പിന്നാലെ പാലക്കാട് നഗരസഭയിൽ ജയ് ശ്രീറാം ബാന‍ര്‍ തൂക്കിയത് വിവാദമായിരുന്നു.