കോന്നിയില്‍ കെ.യു.ജനീഷ് കുമാര്‍ എല്‍.ഡി.എഫ്. സ്ഥാനാര്‍ഥി

പത്തനംതിട്ട: നിയമസഭാ ഉപതിരഞ്ഞെടുപ്പില്‍ കോന്നി മണ്ഡലത്തില്‍ ഡി.വൈ.എഫ്.ഐ. സംസ്ഥാന വൈസ് പ്രസിഡന്‍റ് കെ.യു. ജനീഷ് കുമാര്‍ എല്‍.ഡി.എഫ്. സ്ഥാനാര്‍ഥിയാകും. കോന്നി മണ്ഡലം കമ്മിറ്റി യോഗത്തിലാണ് തീരുമാനം.

ഇന്ന് ചേര്‍ന്ന സി.പി.എം. പത്തനംതിട്ട ജില്ലാ സെക്രട്ടേറിയറ്റ് യോഗത്തില്‍സ സ്ഥാനാര്‍ഥിയെ സംബന്ധിച്ച് തീരുമാനത്തിലെത്താന്‍ കഴി‌ഞ്ഞിരുന്നില്ല. തുടര്‍ന്ന് സ്ഥാനാര്‍ഥിയെ നിര്‍ണയിക്കാനുള്ള ചുമതല മണ്ഡലം കമ്മിറ്റിക്ക് വിടുകയായിരുന്നു.

സി.പി.എം. ജില്ലാ സെക്രട്ടറി കെ.പി.ഉദയബാനം, സി.ഐ.ടി.യു. ജില്ലാ സെക്രട്ടറി പി.ജെ.അജയകുമാര്‍, കോന്നി ബ്ലോക്ക് പഞ്ചായത്ത് മുന്‍ പ്രസിഡന്‍റ് എം.എസ്. രാജേന്ദ്രന്‍ എന്നിവരും സ്ഥാനാര്‍ഥി പട്ടികയിലുണ്ടായിരുന്നു. 1996-ല്‍ നഷ്‍ടമായ കോന്നി തിരച്ചുപിടിക്കാനുള്ള ഊര്‍ജിത ശ്രമത്തിലാണ് എല്‍.ഡി.എഫ്.