ബാര്‍ കോഴ: തുടരന്വേഷണ ചുമതല ഡിവൈഎസ്‍പി നജ്‍മല്‍ ഹസ്സന്

തിരുവനന്തപുരം: ബാര്‍ കോഴ കേസിന്‍റെ തുടരന്വേഷണ ചുമതല എസ്‍പി സുകേശനായിരിക്കില്ലെന്നും ഡിവൈഎസ്‍പി നജ്‍മല്‍ ഹസ്സനാണെന്നും വിജിലന്‍സ് ഡയറക്ടര്‍ ജേക്കബ് തോമസ് മാധ്യമങ്ങളോട് പറഞ്ഞു.

കേസ് അട്ടിമറിക്കാന്‍ ശ്രമമുണ്ടായെന്ന് കേസ് ഡയറിയില്‍ തന്നെ സൂചനയുണ്ടെന്നും വിജിലന്‍സ് ഇപ്പോള്‍ കൂട്ടിലടച്ച തത്തയല്ലെന്നും വിജിലന്‍സ് ഡയറക് ടര്‍ ജേക്കബ് തോമസ് പറഞ്ഞു. കേസ് ഡയറിയില്‍ കൃത്രിമം നടന്നു എന്ന എസ്‍പി സുകേശന്‍റെ ഹര്‍ജി പരിഗണിച്ചാണ് വിജിലന്‍സ് കോടതിയുടെ ഉത്തരവ്.