പന്ന്യന് കൊടുത്ത കുത്ത് ഇ പി ജയരാജന് തിരിച്ചു കിട്ടിയപ്പോള്‍

കൊച്ചി: വിവിധ വിഷയങ്ങളില്‍ സിപിഎം - സിപിഐ തര്‍ക്കം പ്രത്യയശാസ്ത്രവും കടന്ന് നേര്‍ക്കുനേരെയുള്ള ചീത്തവിളിയില്‍ എത്തിയിട്ടുണ്ട്.

സ്വജനപക്ഷപാതത്തിന് മന്ത്രിസഭയില്‍ നിന്ന് പുറത്തായ ഇ പി ജയരാജനാണ് പുതിയ പോര്‍മുഖം തുറന്നത്. ഇ.പി ഉന്നം വെച്ചത് പന്ന്യന്‍ രവീന്ദ്രനെയാണ്. ദേശീയ പുരസ്‍കാരത്തില്‍ പ്രത്യേക പരാമര്‍ശം ലഭിച്ച മോഹന്‍ലാലിന് എതിരെ പന്ന്യന്‍ രവീന്ദ്രന്‍ കഴിഞ്ഞ ദിവസം നടത്തിയ പരാമര്‍ശമാണ് ഇ.പി ജയരാജന്‍ ഫേസ്‍ബുക്കിലൂടെ വിമര്‍ശിച്ചത്.

പുലിമുരുകന് അവാര്‍ഡ് നല്‍കിയത്, അവാര്‍ഡുകളെ വ്യഭിചരിപ്പിക്കുന്നതിന് തുല്യമാണെന്നായിരുന്നു പന്ന്യന്‍റെ പരാമര്‍ശം.

പന്ന്യന്‍റെ പേര് പറയാതെ ഇ.പി ജയരാജന്‍ ഫേസ്‍ബുക്കില്‍ പോസ്റ്റ് ചെയ്‍തത് ഇങ്ങനെ...

"മോഹൻലാൽ മലയാളത്തിന്റെ അഭിമാനവും എല്ലാ മലയാളികളുടെയും സ്വകാര്യ അഹങ്കാരവുമാണ്. അദ്ദേഹത്തിന് ഇത്തവണ ദേശീയ പുരസ്കാരം ലഭിച്ചതുമായി ബന്ധപ്പെട്ട് ചില അൽപ്പൻമാരുടെ പ്രതികരണങ്ങൾ കണ്ടപ്പോൾ അവരോട് വല്ലാത്ത സഹതാപം തോന്നുകയാണ്.

പഞ്ചാഗ്നിയിലൂടെയും വാസ്തുഹാരയിലൂടെയും ഭരതത്തിലൂടെയും ഊതിക്കാച്ചിയെടുത്ത അഭിനയമികവ് പുലി മുരുകനെന്ന നൂറ് കോടിയുടെ വിസ്മയം തീർത്തത് മൂന്നര കോടി മലയാളി മനസുകളെ അമ്മാനമാടിയാണ്.

മറ്റൊരു വിസ്മയമാകാൻ പോകുന്ന രണ്ടാമൂഴം അഭ്രപാളികളിലെത്തുമ്പോൾ സഹ്യനും ഹിമഗിരിശൃംഗങ്ങൾക്കും അപ്പുറത്തേക്ക് ഗരിമയോടെ തലയുയർത്തി നിൽക്കുവാൻ കുതിക്കുന്ന അഭിനയ കുലപതിയെ അപഹസിക്കുന്നത് പരിഹാസ്യമാണ്.
ഇത് സാംസ്‌കാരിക കേരളം പുച്ഛിച്ച് തള്ളും."

അധികം വൈകാതെ കമന്‍റുകളെത്തി. ഭൂരിപക്ഷവും ഇ.പി ജയരാജനെ തള്ളുന്നവയും സിപിഎം-സിപിഐ പോര് തുറന്നു കാണിക്കുന്നതും.






പ്രിയദര്‍ശന്‍റെ സുഹൃത്തായത് കൊണ്ടാണ് മോഹന്‍ ലാലിന് അവാര്‍ഡ് ലഭിച്ചതെന്ന് ആരോപണത്തെ സ്വജനപക്ഷപാതവുമായി കൂട്ടിച്ചേര്‍ക്കുന്ന പ്രതികരണങ്ങളുമുണ്ടായി.



മൂന്നാറിലെ കൈയ്യേറ്റ വിഷയത്തില്‍ സിപിഎമ്മിന്‍റെ നിലപാടുകളും കമന്‍റുകളായി എത്തി.






E.P Jayarajan targets Panniyan Raveendran in FB Post, back fires