പെരിങ്ങോട്ടുകര: തൃശ്ശൂരിൽ ഉത്സവത്തിനെത്തിയ ആന ഇടഞ്ഞത് പരിഭ്രാന്തിയുണ്ടാക്കി. സോമശേഖര ക്ഷേത്രോത്സവത്തിന് എത്തിയ കിഴക്കുംമുറി ദേശത്തിൻെറ ചെർപ്പുളശേരി രാജശേഖരൻ ആണ് ഇടഞ്ഞത്. ഈ ആനയെ ഉത്സവത്തിന് എഴുന്നള്ളത്തിനായി കൊണ്ട് വന്നതായിരുന്നു. ആന ഇടഞ്ഞ സമയത്ത് നാല് പേർ ഇതിൻെറ പുറത്തുണ്ടായിരുന്നു. വലിയ പരിഭ്രാന്തിക്കും ആശങ്കക്കും ഇടയാക്കിയ നിമിഷങ്ങളാണ് പിന്നീടുണ്ടായത്. വൈകീട്ട് നാലരയോടെയാണ് ആന ഇടഞ്ഞത്. ഇതോടെ ആളുകളും പല വഴിക്കോടി. ചെർപ്പുളശേരി രാജശേഖരനെ കൂടാതെ രണ്ട് ആനകൾ കൂടി എഴുന്നള്ളത്തിന് ഉണ്ടായിരുന്നു.
ആനപ്പുറത്ത് കുടുങ്ങിയ നാല് പേരെ പിന്നീട് താഴെയിറക്കി. എലഫെൻറ് സ്ക്വാഡെത്തിയാണ് ഇവരെ സുരക്ഷിതമായി താഴെയെത്തിച്ചത്. വടം കെട്ടിയാണ് ആനയെ തളച്ചത്. ആന ഇടഞ്ഞത് കാരണം ഈ പ്രദേശത്ത് ഏകദേശം ഒരു മണിക്കൂറോളം ഗതാഗതം തടസ്സപ്പെട്ടു.
അന്തിക്കാട് സിഐ പി.കെ. മനോജ് കുമാറിൻെറ നേതൃത്വത്തിലുള്ള പോലീസ് സംഘം സ്ഥലത്തെ സ്ഥിതിഗതികൾ നിയന്ത്രിച്ചു.
ആന ഇടഞ്ഞതിൻെറ വീഡിയോ കാണാം:
ആനപ്പുറത്ത് കുടുങ്ങിയ നാല് പേരെ പിന്നീട് താഴെയിറക്കി. എലഫെൻറ് സ്ക്വാഡെത്തിയാണ് ഇവരെ സുരക്ഷിതമായി താഴെയെത്തിച്ചത്. വടം കെട്ടിയാണ് ആനയെ തളച്ചത്. ആന ഇടഞ്ഞത് കാരണം ഈ പ്രദേശത്ത് ഏകദേശം ഒരു മണിക്കൂറോളം ഗതാഗതം തടസ്സപ്പെട്ടു.
അന്തിക്കാട് സിഐ പി.കെ. മനോജ് കുമാറിൻെറ നേതൃത്വത്തിലുള്ള പോലീസ് സംഘം സ്ഥലത്തെ സ്ഥിതിഗതികൾ നിയന്ത്രിച്ചു.
ആന ഇടഞ്ഞതിൻെറ വീഡിയോ കാണാം: