ഗജവീരൻ തിരുവമ്പാടി ശിവസുന്ദർ ചരിഞ്ഞു

തൃശൂർ: കേരളത്തിലെ പൂരപ്പറമ്പുകളിലെ നിറസാന്നിധ്യമായിരുന്ന ഗജവീരൻ തിരുവമ്പാടി ശിവസുന്ദർ ചരിഞ്ഞു. ദിവസങ്ങളായി എരണ്ടക്കെട്ട് ബാധിച്ച് ചികിത്സയിലായിരുന്നു. പുലർച്ചെ 3.30നാണ് ശിവസുന്ദര്‍ ചരിഞ്ഞത്.

ശിവസുന്ദറായിരുന്നു കഴിഞ്ഞ പതിനഞ്ചു വർഷമായി തൃശൂർ പൂരത്തിന് തിരുവമ്പാടി വിഭാഗത്തിന്‍റെ തിടമ്പ് ഏറ്റിയിരുന്നത്. 2003ലാണ് തിരുവമ്പാടി ക്ഷേത്രത്തിൽ ശിവസുന്ദറിനെ നടയ്ക്കിരുത്തിയത്.