വിവാദ വ്യവസായി വിഎം രാധാകൃഷ്ണൻെറ സ്വത്തുക്കൾ വീണ്ടും കണ്ടുകെട്ടി

പാലക്കാട്: മലബാർ സിമെൻറ്സിലെ അഴിമതികളുമായി ബന്ധപ്പെട്ടുള്ള കേസിൽ വിവാദ വ്യവസായി വി.എം.രാധാകൃഷ്ണൻെറ സ്വത്തുക്കൾ കണ്ടുകെട്ടി. 21.66 കോടി രൂപയുടെ സ്വത്തുക്കളാണ് എൻഫോഴ്സ്മെൻറ് ഡയറക്ടറേറ്റ് കണ്ടുകെട്ടിയത്. കമ്പനി ഇടപാടുകളുമായി ബന്ധപ്പെട്ട് ഏകദേശം 25 കോടി നഷ്ടം വരുത്തിയെന്നാണ് കേസ്.

എൻഫോഴ്സ്മെൻറ് കോഴിക്കോട് സബ് സോണൽ യൂണിറ്റാണ് കേസിൽ അന്വേഷണം നടത്തുന്നത്. കോടികൾ വില മതിക്കുന്ന സ്വത്തുക്കൾ നേരത്തെയും കണ്ടുകെട്ടിയിരുന്നു. വീടുകൾ, അപ്പാർട്ട്മെൻറുകൾ, ഹോട്ടലുകൾ എന്നിവയെല്ലാം കണ്ടുകെട്ടിയവയിൽ ഉൾപ്പെടുന്നു.

രേഖാമുലം നോട്ടീസ് ലഭിച്ചാൽ നിയമനടപടിയുമായി മുന്നോട്ട് പോവുമെന്ന് വി.എം.രാധാകൃഷ്ണൻ പറഞ്ഞു.