സ്വാശ്രയ കോളേജ് പ്രവേശനത്തിൽ വിട്ടുവീഴ്ചയില്ലെന്ന് സർക്കാർ

തിരുവനന്തപുരം: സംസ്ഥാനത്ത് എഞ്ചിനിയറിംഗ് പ്രവേശന പരീക്ഷയുടെ കാര്യത്തില്‍ വിട്ടുവീഴ്ചയില്ലെന്നു സർക്കാർ. മാര്‍ക്ക് ഏകീകരണത്തിനു മുമ്പുള്ള പട്ടികയില്‍ നിന്നു പ്രവേശനം അനുവദിക്കില്ല. സീറ്റ് നികത്തലല്ല പ്രധാനമെന്നും വിദ്യാഭ്യാസ മന്ത്രി സി രവിന്ദ്രനാഥ് വ്യക്തമാക്കി.

കോളേജിലെ സീറ്റ് ഒഴിഞ്ഞു കിടക്കുന്നത് സര്‍ക്കാരിന്‍റെ പരിഗണനയില്‍ ഉള്ള വിഷയമല്ല. ഇക്കാര്യത്തില്‍ ഇനി തീരുമാനം എടുക്കേണ്ടത് സ്വാശ്രയ കോളേജ് മാനേജ് മെന്‍റുകളാണെന്നും മന്ത്രി പറഞ്ഞു. നാളെ രാവിലെ 11.30ന് മുമ്പായി മാനേജ്മെന്‍റുകള്‍ തീരുമാനം അറിയിക്കണം എന്നും മന്ത്രി പറഞ്ഞു. മനേജ്മെന്‍റുകളുമായുള്ള ചര്‍ച്ചയിലാണ് മന്ത്രി ഇക്കാര്യം വ്യക്തമാക്കിയത്.