ഇ.പി ജയരാജന്‍ ഇന്ന് രാജിവെച്ചേക്കുമെന്ന് സൂചന

ബന്ധുനിയമന വിവാദത്തില്‍ മന്ത്രി ഇ.പി. ജയരാജനെതിരെ ത്വരിതപരിശോധന നടത്താന്‍ വിജിലന്‍സ് തീരുമാനിച്ചു. മന്ത്രിസ്ഥാനത്തുനിന്ന് ജയരാജന്‍ രാജിവെച്ചേക്കുമെന്ന് സൂചന .
വ്യാഴാഴ്ച രാത്രി ജയരാജന്‍ മുഖ്യമന്ത്രിക്ക് രാജിക്കത്ത് കൈമാറിയതായി സൂചനയുണ്ട്.
ത്വരിതപരിശോധന സംബന്ധിച്ച നിയമനടപടികളുടെ വിശദാംശങ്ങള്‍ വിജിലന്‍സ് ഡയറക്ടര്‍ ജേക്കബ് തോമസ് മുഖ്യമന്ത്രി പിണറായി വിജയനെ ധരിപ്പിച്ചു.

ഇക്കാര്യത്തില്‍ പ്രഖ്യാപനം ഇന്നു ണ്ടാകും. വ്യാഴാഴ്ച മുഖ്യമന്ത്രിയും പാര്‍ട്ടിസെക്രട്ടറിയും കൂടിയാലോചന നടത്തിയെങ്കിലും ജയരാജന്റെ കാര്യത്തില്‍ തീരുമാനമായില്ല. വെള്ളിയാഴ്ച സി.പി.എം. സംസ്ഥാന സെക്രട്ടേറിയറ്റ് ഇക്കാര്യം ചര്‍ച്ചചെയ്യും.