എരുമേലി: ചരിത്ര പ്രസിദ്ധമായ എരുമേലി പേട്ട തുള്ളല് ഇന്ന്. അയ്യപ്പന്റെ മാതൃസ്ഥാനീയരായ അമ്പലപ്പുഴ സംഘം രാവിലെയും പിതൃസ്ഥാനീയരായ ആലങ്ങാട്ട് സംഘം ഉച്ചയ്ക്കുശേഷമാണ് പേട്ട തുള്ളുന്നത്. ആകാശത്ത് വട്ടമിട്ടു പറക്കുന്ന കൃഷ്ണപ്പരുന്ത് അമ്പലപ്പുഴ സംഘത്തിന് പേട്ടതുള്ളലിന് അനുമതി നല്കുമെന്നാണ് വിശ്വാസം. ഇതോടെയാണ് എരുമേലി കൊച്ചമ്പലത്തില് നിന്ന് സമൂഹപെരിയോന് കളത്തില് ചന്ദ്രശേഖരന് നായരുടെ നേതൃത്വത്തില് അമ്പലപ്പുഴ സംഘത്തിന്റെ പേട്ട തുള്ളല് ആരംഭിക്കുന്നത്. പിന്നീട് വാവരപള്ളിയില് പ്രവേശിക്കുന്ന സംഘം സ്വീകരണചടങ്ങുകള്ക്കുശേഷം മുസ്ലീം പ്രതിനിധിയോടൊപ്പം പേട്ടതുള്ളി വലിയമ്പലത്തില് പ്രവേശിക്കും. ഇവരെ ദേവസ്വം ബോര്ഡ് സംഘം പൂര്ണകുംഭങ്ങള് സമ്മാനിച്ചു സ്വീകരിക്കും. ആലങ്ങാട് സംഘം ഒരുമിച്ചാണ് ഇത്തവണ പേട്ട തുള്ളാനെത്തിയിരിക്കുന്നത്.
ഉച്ചയ്ക്ക് ആകാശത്ത് വെള്ളി നക്ഷത്രം പ്രകാശിക്കുന്നതോടെയാണ് ആലങ്ങാട്ട് സംഘത്തിന്റെ പേട്ടതുള്ളല് ആരംഭിക്കുന്നത്. വാവര് പള്ളിയില് കയറാതെ പുറത്തുനിന്ന് ആദരവറിയിക്കുന്ന സംഘത്തെ ജമാ അത്ത് ഭാരവാഹികള് സ്വീകരിക്കും.
മഹിഷി നിഗ്രഹത്തിന്റെ ഓര്മ്മ പുതുക്കലാണ് പേട്ടതുള്ളല്. ഇത്തവണ എരുമേലിയില് കനത്ത സുരക്ഷാ ക്രമീകരണങ്ങള് ഒരുക്കിയിട്ടുണ്ട്. തീര്ത്ഥാടകര്ക്കായി എല്ലാ ഒരുക്കങ്ങളും പൂര്ത്തിയായതായി ദേവസ്വം ബോര്ഡും പള്ളി ഭാരവാഹികളും അറിയിച്ചു.
ഉച്ചയ്ക്ക് ആകാശത്ത് വെള്ളി നക്ഷത്രം പ്രകാശിക്കുന്നതോടെയാണ് ആലങ്ങാട്ട് സംഘത്തിന്റെ പേട്ടതുള്ളല് ആരംഭിക്കുന്നത്. വാവര് പള്ളിയില് കയറാതെ പുറത്തുനിന്ന് ആദരവറിയിക്കുന്ന സംഘത്തെ ജമാ അത്ത് ഭാരവാഹികള് സ്വീകരിക്കും.
മഹിഷി നിഗ്രഹത്തിന്റെ ഓര്മ്മ പുതുക്കലാണ് പേട്ടതുള്ളല്. ഇത്തവണ എരുമേലിയില് കനത്ത സുരക്ഷാ ക്രമീകരണങ്ങള് ഒരുക്കിയിട്ടുണ്ട്. തീര്ത്ഥാടകര്ക്കായി എല്ലാ ഒരുക്കങ്ങളും പൂര്ത്തിയായതായി ദേവസ്വം ബോര്ഡും പള്ളി ഭാരവാഹികളും അറിയിച്ചു.