ഹര്‍ത്താലിനെ തുടര്‍ന്ന് നാളത്തെ പരീക്ഷകള്‍ മാറ്റി വച്ചു

തിരുവനന്തപുരം: ബിജെപി വെള്ളിയാഴ്ച ഹര്‍ത്താല്‍ പ്രഖ്യാപിച്ചതിനെ തുടര്‍ന്ന് നാളെ നടത്താനിരുന്ന പരീക്ഷകള്‍ മാറ്റിവച്ചു. കേരള സര്‍വകലാശാലയുടേയും മഹാത്മാ ഗാന്ധി സര്‍വകലാശാലയുടേയും ശാസ്ത്ര സാങ്കേതിക സര്‍വകലാശാലയുടേയും നാളെ നടത്താനിരുന്ന പരീക്ഷകളെല്ലാം മാറ്റിവച്ചിരിക്കുകയാണ്. പുതുക്കിയ തീയതികള്‍ പിന്നീട് അറിയിക്കുമെന്നാണ് വ്യക്തമാക്കിയിരിക്കുന്നത്.

നാളെ നടക്കേണ്ട ഒന്ന് മുതല്‍ പത്ത് വരെയുള്ള ക്ലാസുകളിലെ പരീക്ഷ 21ലേക്ക് മാറ്റി വച്ചിരിക്കുകയാണ്. നാളത്തെ ഹയര്‍ സെക്കന്‍ററി പരീക്ഷകളും മാറ്റി. പുതുക്കിയ തീയതി പിന്നീടായിരിക്കും അറിയിക്കുക.
വേണുഗോപാലന്‍ നായര്‍ എന്ന വ്യക്തി തിരുവനന്തപുരത്ത് ബിജെപി സമരപന്തലിന് മുന്നിൽ ആത്മഹത്യ ചെയ്തതിൽ പ്രതിഷേധിച്ചാണ് ബിജെപി ഹര്‍ത്താല്‍ പ്രഖ്യാപിച്ചിരിക്കുന്നത്.