ഹര്‍ത്താല്‍; സര്‍വ്വകലാശാല പരീക്ഷകള്‍ മാറ്റിവെച്ചു

തിരുവനന്തപുരം: ഹിന്ദു ഐക്യവേദി സംസ്ഥാന അധ്യക്ഷ കെ പി ശശികലയുടെ അറസ്റ്റില്‍ പ്രതിഷേധിച്ച് പ്രഖ്യാപിച്ച ഹര്‍ത്താലിനെ തുടര്‍ന്ന് വിവിധ പരീക്ഷകള്‍ മാറ്റിവെച്ചു.

കണ്ണൂര്‍ സര്‍വ്വകലാശാല നടത്താനിരുന്ന പരീക്ഷകളും കേരള ഹിന്ദി പ്രചാരസഭ നടത്താനിരുന്ന പരീക്ഷകളും മാറ്റിവെച്ചതായി ബന്ധപ്പെട്ട അധികൃതര്‍ അറിയിച്ചു.

ഇന്ന് നടക്കാനിരുന്ന തിരുവനന്തപുരം റെവന്യൂ ജില്ലാ ഗണിത ശാസ്ത്ര പ്രവര്‍ത്തി പരിചയമേളകള്‍ തിങ്കളാഴ്ചയിലേക്ക് മാറ്റിയതായി പൊതു വിദ്യാഭ്യാസ ഉപഡയറക്ടര്‍ അറിയിച്ചു.

കേരള സര്‍വ്വകലാശാല വിദൂര വിഭാഗം ഇന്ന് നടത്താനിരുന്ന എല്ലാ സമ്പര്‍ക്ക ക്ലാസുകളും മാറ്റിവെച്ചു.