തിരുവനന്തപുരം: ശബരിമല കര്മസമിതി സംഘടിപ്പിച്ച അയ്യപ്പജ്യോതി പരിപാടിയിൽ താൻ പങ്കെടുത്തെന്ന വാര്ത്തകള്ക്കെതിരെ എക്സൈസ് കമ്മീഷണര് ഋഷിരാജ് സിങ്. സമൂഹമാധ്യമങ്ങളിൽ തന്റെ രൂപസാദൃശ്യമുള്ള ചിത്രം ഉപയോഗിച്ച് വ്യാജപ്രചരണം നടത്തിയതിനെതിരെ ഋഷിരാജ് സിങ് ഡിജിപിയ്ക്ക് പരാതി നല്കി. ദുരുദ്ദേശത്തോടെ വ്യാജപ്രചരണം നടത്തിയവരെ കണ്ടെത്തി കര്ശന നടപടി സ്വീകരിക്കണമെന്ന് അദ്ദേഹം പരാതിയിൽ ആവശ്യപ്പെട്ടു.
ഡിജിപി ഋഷിരാജ് സിങ് അയ്യപ്പജ്യോതിയിൽ പങ്കെടുക്കുന്നു' എന്ന അടിക്കുറിപ്പോടെയായിരുന്നു വ്യാജചിത്രം പ്രചരിച്ചത്. വ്യാഴാഴ്ച രാവിലെ മുതൽ ഇതു സംബന്ധിച്ച പോസ്റ്റുകള് വ്യാപകമായി പ്രചരിക്കുകയായിരുന്നു. ചിത്രത്തിൽ ഋഷിരാജ് സിങിനോട് മുഖസാദൃശ്യമുള്ള വ്യക്തി ജ്യോതി തെളിച്ചിരിക്കുന്നതും കാണാം.
വ്യാജ പോസ്റ്റുകള് നിരവധി പേജുകളിലും പ്രൊഫൈലുകളിലും വ്യാപകമായി ഷെയര് ചെയ്യപ്പെട്ടതോടെയാണ് പരാതിയുമായി ഋഷിരാജ് സിങ് രംഗത്തെത്തിയത്. ഇത്തരത്തിലുള്ള പോസ്റ്റുകളുടെ കോപ്പി സഹിതമാണ് പരാതി.
ഡിജിപി ഋഷിരാജ് സിങ് അയ്യപ്പജ്യോതിയിൽ പങ്കെടുക്കുന്നു' എന്ന അടിക്കുറിപ്പോടെയായിരുന്നു വ്യാജചിത്രം പ്രചരിച്ചത്. വ്യാഴാഴ്ച രാവിലെ മുതൽ ഇതു സംബന്ധിച്ച പോസ്റ്റുകള് വ്യാപകമായി പ്രചരിക്കുകയായിരുന്നു. ചിത്രത്തിൽ ഋഷിരാജ് സിങിനോട് മുഖസാദൃശ്യമുള്ള വ്യക്തി ജ്യോതി തെളിച്ചിരിക്കുന്നതും കാണാം.
വ്യാജ പോസ്റ്റുകള് നിരവധി പേജുകളിലും പ്രൊഫൈലുകളിലും വ്യാപകമായി ഷെയര് ചെയ്യപ്പെട്ടതോടെയാണ് പരാതിയുമായി ഋഷിരാജ് സിങ് രംഗത്തെത്തിയത്. ഇത്തരത്തിലുള്ള പോസ്റ്റുകളുടെ കോപ്പി സഹിതമാണ് പരാതി.