കൊച്ചി: കൊച്ചിയിൽ വൻ ലഹരി മരുന്ന് ശേഖരം എക്സൈസ് പിടികൂടി. 200 കോടി വിലമതിക്കുന്ന 32 കിലോയുള്ള എംഡിഎംഎ(മെത്തലിൻ ഡയോക്സി മെത്തഫിറ്റമിൻ) എന്ന ലഹരി വസ്തുവാണ് എക്സൈസ് എൻഫോഴ്സ്മെന്റ് ആൻഡ് ആന്റി നാർക്കോട്ടിക് ഫോഴ്സ് പിടികൂടിയിരിക്കുന്നത്. ഇത് ലോക വ്യാപകമായി നിരോധിക്കപ്പെട്ടതാണ്. രാജ്യത്ത് തന്നെ നടന്ന വലിയ ലഹരി വേട്ടകളിലൊന്നാണിതെന്നാണ് എക്സൈസിന്റെ ഭാഷ്യം.
ഓൺലൈൻ പാഴ്സൽ സർവീസ് വഴി കടത്താൻ ശ്രമിച്ച നിലയിലാണ് ഇത് കണ്ടെത്തിയത്. 8 പെട്ടികളിൽ പൊതിഞ്ഞ നിലയിലായിരുന്നു ഇത്. എറണാകുളം എക്സൈസ് ഡപ്യൂട്ടി കമ്മിഷണർ എ.എസ്.രഞ്ജിത്തിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മരുന്ന് കണ്ടെത്തിയത്. സംഭവത്തിൽ രണ്ട്പേരെ സംബന്ധിച്ച് സൂചന ലഭിച്ചതായും അന്വേഷണം നടക്കുന്നതായും എക്സൈസ് അറിയിച്ചു.
ഓൺലൈൻ പാഴ്സൽ സർവീസ് വഴി കടത്താൻ ശ്രമിച്ച നിലയിലാണ് ഇത് കണ്ടെത്തിയത്. 8 പെട്ടികളിൽ പൊതിഞ്ഞ നിലയിലായിരുന്നു ഇത്. എറണാകുളം എക്സൈസ് ഡപ്യൂട്ടി കമ്മിഷണർ എ.എസ്.രഞ്ജിത്തിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മരുന്ന് കണ്ടെത്തിയത്. സംഭവത്തിൽ രണ്ട്പേരെ സംബന്ധിച്ച് സൂചന ലഭിച്ചതായും അന്വേഷണം നടക്കുന്നതായും എക്സൈസ് അറിയിച്ചു.