വീട്ടുകാരെ അപകടത്തിൽ നിന്ന് വിളിച്ചുണ‍ത്തി രക്ഷിച്ച വളർത്തു നായ

കനത്ത മഴയിൽ സംസ്ഥാനത്ത് കെടുതികൾ തുടരുമ്പോൾ കഞ്ഞിക്കുഴിയിൽ നിന്നൊരു ആശ്വാസ വാര്‍ത്ത. വീട്ടുകാര്‍ ഉറക്കത്തിലായിരിക്കെ മണ്ണിടിച്ചിലുണ്ടാകുന്നത് തിരിച്ചറിഞ്ഞ വളര്‍ത്തുനായ വീട്ടുകാരെ വിളിച്ചുണര്‍ത്തി രക്ഷിച്ചു. ഇന്നത്തെ സന്തോഷ കഥ എന്ന തലക്കെട്ടോടെ സ്നേഹ കോശി എന്ന ഫേസ്ബുക്ക് അക്കൗണ്ടിലാണ് ഈ ആശ്വാസ വാര്‍ത്ത കുറിച്ചിരിക്കുന്നത്.

'പുലര്‍ച്ചെ മൂന്നുമണിക്ക് വളര്‍ത്തുനായ നിര്‍ത്താതെ കുരയ്ക്കുകയും അസ്വാഭാവിക ശബ്ദമുണ്ടാക്കുകയും ചെയ്തതോടെയാണ് മോഹുനനും കുടുംബവും എഴുന്നേറ്റത്. എന്താണ് സംഭവമെന്ന് അറിയാനായി പുറത്തേക്കിറങ്ങവേയാണ് മണ്ണിടിച്ചിലുണ്ടാകുന്നത് കണ്ടത്. ഉടൻ നിമിഷങ്ങൾക്കകം പുറത്തിറങ്ങിയോടുകയായിരുന്നു'വെന്ന് മോഹനൻ വ്യക്തമാക്കി.


ഇതെഴുതുമ്പോഴും ചുറ്റും ഒട്ടേറെ പേ‍‍ർ മരണ വേദനയിൽ കഴിയുന്നുണ്ടെന്ന വസ്തുത മറക്കുന്നില്ല. നിരവധി മനുഷ്യ ജീവനുകൾ പൊലിഞ്ഞിട്ടുണ്ട്. വ്യാപക നാശ നഷ്ടങ്ങൾ ഉണ്ടാകുന്നുണ്ട്. എല്ലാം ഈ അവസരത്തിൽ ഓര്‍ക്കുന്നു. പക്ഷേ ഇതിനൊക്കെ ഇടയിലും ഇത്തരത്തിൽ രക്ഷപെടാൻ പരസ്പരം സഹായകമാകുന്ന ചില ബന്ധങ്ങളുണ്ട്. സ്നേഹ കോശി കുറിച്ചു. ദേശീയ മാധ്യമമായ എൻഡിടിവിയിലെ കേരള ബ്യൂറോ ചീഫാണ് സ്നേഹ. മണ്ണിച്ചിലുണ്ടായ ഭാഗത്ത് മോഹനനൻ വളർത്തു നായയുമായി നിൽക്കുന്ന ചിത്രവും കുറിപ്പിനൊപ്പമുണ്ട്.