കണ്ണൂര്‍ മെഡിക്കല്‍ കോളേജില്‍ കൊറോണ രോഗിയെന്ന് വ്യാജ സന്ദേശം, പോലീസ് കേസെടുത്തു

കണ്ണൂർ: കണ്ണൂർ ഗവ.മെഡിക്കൽ കോളേജിൽ കൊറോണ രോഗി ചികിത്സ തേടിയെന്ന് സോഷ്യൽ മീഡിയയിലൂടെ വ്യാജ സന്ദേശം പരത്തിയവർക്കെതിരെ നടപടി സ്വീകരിക്കണമെന്നാവശ്യപ്പെട്ട് മെഡിക്കൽ കേളേജ് അധികൃതർ പരിയാരം പോലിസിൽ പരാതി നൽകി. ഇതിനെ തുടർന്ന് പരിയാരം മെഡിക്കൽ കോളേജ് പോലിസ് കേസെടുത്ത് അന്വേഷണമാരംഭിച്ചു. കൊറോണ ബാധിച്ചയാളെ പരിയാരത്തുള്ള കണ്ണൂർ മെഡിക്കൽ കോളേജിൽ ചികിത്സിക്കാനായി കൊണ്ടുവരുന്നു എന്ന അടിക്കുറിപ്പോടുകൂടിയാണ് നവ മാധ്യമങ്ങളിൽ കഴിഞ്ഞ ദിവസം ചിത്രത്തോടു കൂടിയ സന്ദേശം പരന്നത്.

Also Read: മേയറെ ആക്രമിച്ച കേസ്; കണ്ണൂരിലെ പോലീസ് നാഥനില്ലാ കളരിയായി മാറിയെന്ന് കോണ്‍ഗ്രസ്

എന്നാൽ രണ്ടാഴ്ച മുൻപ് കോറോണ ബാധിതർ മെഡിക്കൽ കോളേജിലെത്തിയാൽ എങ്ങനെ കൈകാര്യം ചെയ്യാമെന്നതിന്‍റെ മോക്ഡ്രിൽ നടത്തിയിരുന്നു. ഈ ചിത്രമാണ് വ്യാജസന്ദേശത്തിനായി ഉപയോഗിച്ചത്. ഇതിനു പുറമേ കണ്ണൂർ എകെജി ആശുപത്രിയിൽ നിന്നും പരിയാരത്തേക്ക് മാറ്റുന്നതുമായി ബന്ധപ്പെട്ട ശബ്ദ സന്ദേശവും പ്രചരിക്കുന്നുണ്ട്. ഇതും വ്യാജമാണെന്ന് അധികൃതർ അറിയിച്ചു.പരിയാരത്ത് ഇതുവരെ കൊറോണ ബാധിതരെന്ന് സംശയിക്കപ്പെടുന്ന നാലു പേരെയാണ് ഐസോലേഷൻ വാർഡിൽ പ്രവേശിപ്പിച്ച ട്ടുള്ളത്.

Also Read: നെടുമ്പാശേരിയിൽ 53 ലക്ഷം രൂപയുടെ സ്വർണം പിടികൂടി; ഒളിപ്പിച്ചത് കെറ്റിലിനുള്ളിലും കേബിളിനുള്ളിലും

എന്നാൽ ഇവർക്കൊന്നും രോഗബാധ സ്ഥിരീകരിച്ചിട്ടില്ല. ഈ പശ്ചാത്തലത്തിലാണ് കൊറോണ വൈറസ് രോഗബാധ സ്ഥിരീകരിച്ച ഒരാൾ ഇവിടെ ചികിത്സ തേടിയെന്ന വ്യാജസന്ദേശം പരന്നത്.ഇതോടെ ആശുപത്രിയിലേക്ക് നിലയ്യാത്ത ഫോൺ വിളികളാണ്. രോഗികളിൽ പലരും ഡിസ്ചാർജാനായി തിടുക്കം കൂട്ടുകയാണ് 'ഈ പശ്ചാത്തലത്തിലാണ് വ്യാജ പ്രചരണം നടത്തിയവർക്കെതിരെ നടപടി സ്വീകരിക്കണമെന്നാവശ്യപ്പെട്ട് ആശുപത്രി അധികൃതർ പൊലീസിൽ പരാതി നൽകിയത്.