ചിത്രകാരൻ യൂസഫ് അറയ്ക്കൽ അന്തരിച്ചു

ബെംഗളൂരു: പ്രശസ്ത ചിത്രകാരൻ യൂസഫ് അറയ്ക്കൽ(71) അന്തരിച്ചു.ഹൃദയാഘാതത്തെ തുടർന്ന് രാവിലെ 7മണിയോടെ ബെംഗളൂരിലെ വീട്ടിൽ വെച്ചായിരുന്നു അന്ത്യം.വാർദ്ധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്നു.

തൃശൂർ ജില്ലയിലെ ചാവക്കാടാണ് സ്വദേശം. വളരെ ചെറുപ്പത്തിൽ തന്നെ ബെംഗളൂരുവിൽ താമസമാക്കിയ അദ്ദേഹം കർണാടക ചിത്ര കലാ പരിഷത്ത് കോളേജ് ഓഫ് ഫൈൻ ആർട്സിൽ നിന്ന് കലാ പരിശീലനം നേടി. നഗരത്തിന്‍റെ നിസ്സഹായതയും ദാരിദ്ര്യവും നിറങ്ങളിൽ ചാലിച്ച ചിത്രങ്ങളായിരുന്നു യൂസഫിന്‍റേത്.

2005ൽ ഫ്ലോറൻസിൽ നടന്ന അന്തർദേശീയ ബിനാലെയിൽ സ്വർണ മെഡൽ നേടിയ യൂസഫ് കേരള സർക്കാരിന്‍റെ രാജാ രവിവർമ പുരസ്കാരത്തിനും അർഹനായിട്ടുണ്ട്.

famous artist yusuf arakkal passed away
famous artist yusuf arakkal passed away this morning in bengaluru