70 കൊല്ലത്തിനിടെ യൂണിയന്‍ തലപ്പത്ത് ആദ്യ പെണ്‍കുട്ടി

ഫാറൂഖ് കോളേജിന് എഴുപതാണ്ടിന്റെ ചരിത്രത്തില്‍ ആദ്യ ചെയര്‍പേഴ്‌സനെ സമ്മാനിച്ച് എംഎസ്എഫ്. ഒന്നാം ഘട്ട തെരഞ്ഞെടുപ്പില്‍ 140ല്‍ 83 സീറ്റ് നേടി വമ്പിച്ച ഭൂരിപക്ഷം നേടിയ എംഎസ്എഫിന്റെ പ്രവര്‍ത്തകയായ മിന ഫര്‍സാനയാണ് ഫാറൂഖിന്റെ വിദ്യാര്‍ഥിയൂണിയന്റെ തലപ്പത്ത് മിന്നുന്ന ജയം നേടിയത്.

സോഷ്യാേളജി വിഭാഗത്തിലെ അവസാന വര്‍ഷ വിദ്യാര്‍ഥിയായ മിന ഫര്‍സാന കാമ്പസിലെ എംഎസ്എഫ് പ്രവര്‍ത്തനങ്ങള്‍ക്ക് നേത്യതം കഴിഞ്ഞ മൂന്നു വര്‍ഷമായി നേതൃത്വം നല്‍കുന്നു. മലപ്പുറം സ്വദേശിയാണ് മിന. മിനയോടൊപ്പം യൂണിയന്‍ ചെയര്‍പേഴ്സണ്‍ സ്ഥാനത്തേക്ക് മത്സരിച്ച മറ്റു രണ്ടുപേരും പെണ്‍കുട്ടികളാണെന്നതാണ് മറ്റൊരു ശ്രദ്ധേയത.

വഫ റസാഖ് (ഫ്രറ്റേണിറ്റി മൂവ്മെന്റ്) ജോത്സ്ന ( എസ്എഫ്ഐ ) എന്നിവരാണ് എതിര്‍സ്ഥാനാര്‍ഥികള്‍. രോഹിത് വെമുലയുടെ കൊലപാതകികള്‍ക്കെതിരെ കോഴിക്കോട് നടന്ന വിദ്യാര്‍ത്ഥിപ്രക്ഷോഭത്തില്‍ പങ്കെടുത്ത് അറസ്റ്റ് വരിച്ച വഫ റസാഖ് കാമ്പസിലെ വ്യത്യസ്ത പരിപാടികളിലെ സജീവസാന്നിധ്യമാണ്. കെമിസ്ട്രി മൂന്നാംവര്‍ഷ ബിരുദവിദ്യാര്‍ഥിയായ ജ്യോത്സ്ന ഫാറൂഖ് കോളേജിലെ അക്കാദമിക-അക്കാദമികേതര പ്രവര്‍ത്തനങ്ങളില്‍ സജീവമാണ്.

mina farsana victory
​
farook college union election mina farsana.