തിരുവനന്തപുരം: നെയ്യാറ്റിൻകരയിൽ പ്രായപൂർത്തിയാകാത്ത മകളെ പീഡിപ്പിച്ച അച്ഛനെ അറസ്റ്റ് ചെയ്തു. അഞ്ചാം ക്ലാസുകാരിയെയാണ് അച്ഛൻ പീഡിപ്പിച്ചത്. പോക്സോ ചുമത്തിയാണ് ഇയാൾക്കെതിരെ കേസെടുത്തത്. അച്ഛന്‍റെ സുഹൃത്തും കുട്ടിയെ പീഡിപ്പിച്ചതായി റിപ്പോർട്ടുണ്ട്.
സ്കൂൾ അധികൃതരെയായിരുന്നു കുട്ടി ആദ്യം വിവരം അറിയിച്ചത്. ശിശുക്ഷേമ സമിതി പ്രവർത്തകരാണ് പോലീസിനെ അറിയിക്കുന്നത്. എന്നാൽ പോലീസ് നടപടിയെടുത്തില്ലെന്നും പരാതി ഉയർന്നിട്ടുണ്ട്.
അച്ഛൻ അടിക്കുകയും ഉപദ്രവിക്കുകയും ചെയ്തിരുന്നുവെന്നും, പ്രതികരിച്ചാൽ കൂടുതൽ ഉപദ്രവിക്കുമായിരുന്നെന്നും കുട്ടി മൊഴി നൽകിയിട്ടുണ്ട്. സംസാരശേഷിയും കേൾവിശേഷിയുമില്ലാത്ത കുട്ടിയുടെ അമ്മയെയും അച്ഛൻ നിരന്തരം ഉപദ്രവിച്ചിരുന്നെന്ന് റിപ്പോർട്ടുകൾ പറയുന്നു.
കുട്ടി മാറിയിരുന്നു കരയുന്നത് കണ്ട അധ്യാപകർ കാര്യം തിരക്കിയപ്പോഴാണ് അഞ്ചാംക്ലാസുകാരി സംഭവും പുറത്തുപറയുന്നത്. കുട്ടിയ്ക്ക് ഒരു ഇളയ സഹോദരനുമുണ്ട്. ഈ കുട്ടിയെയും ഇയാൾ ഉപദ്രവിക്കാറുണ്ടായിരുന്നെന്നും റിപ്പോർട്ടുകളുണ്ട്.