ഫാ ​ടോം ഉ​ഴു​ന്നാ​ലി​ല്‍ സു​ര​ക്ഷി​ത​നെ​ന്ന് യെ​മ​ന്‍ സ​ര്‍​ക്കാ​ര്‍

ഏദന്‍: തട്ടിക്കൊണ്ടു പോയ മലയാളി വൈദികന്‍ ഫാ. ടോം ഉഴുന്നാലില്‍ സുരക്ഷിതനെന്ന് യെമന്‍ സര്‍ക്കാര്‍. ഇന്ത്യാ സന്ദര്‍ശനം നടത്തുന്ന യെമന്‍ വിദേശകാര്യ മന്ത്രി അബ്ദുള്‍ മാലിക് അബ്ദുള്‍ ജലീല്‍ അല്‍ മേഖലാഫിയുമായി സുഷമ സ്വരാജ് നടത്തിയ കൂടിക്കാഴ്ചയിലാണ് ഇക്കാര്യം വ്യക്തമാക്കിയത്. ഫാ. ടോം ഉഴുന്നാലില്‍ ജീവനോടെയുണ്ടെന്നും അദ്ദേഹത്തെ മോചിപ്പിക്കാന്‍ യെമന്‍ സര്‍ക്കാര്‍ എല്ലാ ശ്രമങ്ങളും തുടരുകയാണെന്നും അബ്ദുള്‍ മാലിക് അബ്ദുള്‍ ജലീല്‍ അല്‍ മേഖലാഫി പറഞ്ഞു.

മിഷനറീസ് ഓഫ് ചാരിറ്റി സന്യാസിനീ സമൂഹം നടത്തുന്ന വൃദ്ധസദനം ആക്രമിച്ച്‌ കഴിഞ്ഞ വര്‍ഷം മാര്‍ച്ച്‌ നാലിനാണ് ഫാ.ടോം ഉഴുന്നാലിലിനെ യെമനിലെ ഏദനില്‍നിന്നു ഭീകരര്‍ തട്ടിക്കൊണ്ടു പോയത്. കേന്ദ്ര വിദേശകാര്യമന്ത്രാലയം ഉള്‍പ്പടെ ഇദ്ദേഹത്തിന്‍റെ മോചനത്തിന് ശ്രമം നടത്തിയെങ്കിലും വിജയിച്ചില്ല. സലേഷ്യന്‍ സഭ ബംഗളൂരു പ്രൊവിന്‍സ് അംഗമായ ഫാ. ടോം (56), കോട്ടയം രാമപുരം ഉഴുന്നാലില്‍ കുടുംബാംഗമാണ്.

Indian Catholic priest Father Tom Uzhunnalil still alive

Father Thomas Uzhunnalil abduction: Sushma Swaraj responds he is still alive