ബെവ്‌കോ ജീവനക്കാരുടെ ബോണസ് കുറക്കണമെന്ന് ധനവകുപ്പ്

തിരുവനന്തപുരം: ബിവറേജസ് ജീവനക്കാർക്ക് ഓണാത്തോട് അനുബന്ധിച്ച് ബോണസായി വൻ തുക നൽകുന്നത് തുടരാനാകില്ലെന്ന് ധനവകുപ്പ്. 85000 രൂപവരെയാണ് ഇത് വരെ ബോണസ് നൽകിയിരുന്നത്. ഇത് നിയന്ത്രിക്കണമെന്ന് അഭ്യർഥിച്ച് ധനമന്ത്രി തോമസ് ഐസക് മുഖ്യമന്ത്രി പിണറായി വിജയന് കത്ത് നൽകി.

19.25 ശതമാനം എക്സ്‍ഗ്രേഷ്യയും 10.25 ശതമാനം പെർഫോമൻസ് അലവൻസും ചേർത്ത് 29.50 ശതമാനം ബോണസാണ് ഇത്തവണ നല്‍കിയത്. സർക്കാരിന് കീഴിലുള്ള വകുപ്പിൽ ഇത്രയധികം ബോണസ് നൽകുന്നത് ധനപരമായ ഉത്തരവാദിത്തമില്ലായ്‌മയാണ് കാണിക്കുന്നതെന്നും വിമർശനമുണ്ട്. ഇതിനോടൊപ്പം തന്നെ കെഎസ്എഫ്ഇ ജീവനക്കാരുടെ ഇന്‍സന്‍റീവ് വെട്ടിക്കുറച്ചു. ഇതോടെ ഏറ്റവുമുയർന്ന ഇന്‍സന്‍റീവ് 75000 രൂപയായി കുറഞ്ഞു. ഇനി മുഖ്യമന്ത്രിയാണ് ബെവ്‌കോയുടെ ബോണസിന്‍റെ കാര്യത്തിൽ തീരുമാനം എടുക്കേണ്ടത്.

Finanace department recommends reducing bonus of bevco staff

Finance department writes to Chiefminister Pinarayi Vijayan to reduce the Onam bonus of bevco staff